Microsoft распрацавала генератыўную АІ-мадэль для выведвальных службаў ЗША. Учора яна была запушчаная на суперкамп’ютары ў Аёве, які ў мэтах бяспекі не мае ніякага доступу ў інтэрнэт, піша Bloomberg.
Microsoft распрацавала генератыўную АІ-мадэль для выведвальных службаў ЗША. Учора яна была запушчаная на суперкамп’ютары ў Аёве, які ў мэтах бяспекі не мае ніякага доступу ў інтэрнэт, піша Bloomberg.
На стварэнне мадэлі на базе GPT-4 сышло 18 месяцаў. Ізаляцыя ад інтэрнэту гарантуе ёй абарону ад узломаў і тое, што доступ да яе будзе толькі ва ўладаў краіны. Яго атрымаюць каля 10 тысяч супрацоўнікаў са спецыяльным допускам.
Мадэль здольная адказваць на пытанні і зможа, напрыклад, пісаць код. Таксама яна ўмее аналізаваць файлы, але не навучаецца на іх, каб пазбегнуць уцечак канфідэнцыйнай інфармацыі. Аднак ёй яшчэ трэба будзе прайсці этап тэсціравання і атрымаць ухваленне органаў.
Выведвальныя органы раней выказвалі цікавасць да генератыўнага АІ, які абяцае кардынальна змяніць многія галіны і кампаніі. ЦРУ летась запусціла сэрвіс накшталт ChatGPT, аднак органам быў неабходны інструмент для працы са значна больш адчувальнай інфармацыяй. У ЦРУ лічаць, што першая краіна, якая ўкараніць тэхналогію ў апрацоўку выведданых, выйграе гэтую гонку.
Рэлацыраваліся? Цяпер вы можаце каментаваць без верыфікацыі акаўнта.