Microsoft прыбярэ Teams з офіснага пакета для еўрапейскіх карыстальнікаў

У ліпені 2020 года Slack падала скаргу ў Еўрапейскую камісію. Кампанія палічыла, што Microsoft незаконна прывязала Teams да Office, праграма ўсталёўваецца аўтаматычна, а сістэма блакуе яе выдаленне і хавае сапраўдны кошт для карпаратыўных кліентаў.

У адказ на асцярогі еўрапейскіх рэгулятараў Microsoft унесла змены, якія закрануць толькі новых кліентаў. Ад 1 кастрычніка карпаратыўныя кліенты ў ЕС змогуць купіць падпіску на Microsoft 365 без Teams па зніжанай цане або купіць Teams за 5 еўра або 60 еўра на год.

Бягучыя карыстальнікі змогуць працягнуць выкарыстоўваць свае пакеты або выбраць падпіску без Teams. Таксама захаваецца пакет з Teams для малога бізнэсу.