Кампанія Digital Guangdong, якая месціцца ў кітайскім Гуандуне, фінансуецца дзяржавай і займаецца праектамі электроннага ўрада для правінцыі, прызналася, што ў яе софце «хатняй распрацоўкі» выкарыстоўваўся адкрыты зыходны код Microsoft.
Кампанія Digital Guangdong, якая месціцца ў кітайскім Гуандуне, фінансуецца дзяржавай і займаецца праектамі электроннага ўрада для правінцыі, прызналася, што ў яе софце «хатняй распрацоўкі» выкарыстоўваўся адкрыты зыходны код Microsoft.
На мінулым тыдні DigitalGD прыйшлося публікаваць прабачэнне з гэтай нагоды. У яе асяроддзі праграмавання CEC-IDE быў выкарыстаны код Visual Studio Code з вельмі невялікімі зменамі і даданнем некаторых функцый. VS Code распаўсюджваецца па ліцэнзіі Масачусецкага тэхналагічнага інстытута, якая дапускае выкарыстанне кода ў камерцыйных мэтах.
Кітайскія ІТ-кампаніі імкнуцца даказаць, што распрацоўвалі свае прадукты самастойна, каб яны маглі прымяняцца прыналежнымі дзяржаве арганізацыямі.
Улады краіны патрабуюць «бяспекі і кіравальнасці» апаратнага і праграмнага забеспячэння для ключавой інфраструктуры і ўзнагароджваюць кампаніі за фірмовыя інавацыі. Аднак некаторыя кампаніі пачалі выдаваць чужы софт за свой.
DigitalGD адзначыла, што факт прысутнасці чужога кода не быў раскрыты праз недагляд. «Мы глыбока засмучаныя і прыніжаныя гэтым, і адказным камандам былі дадзеныя ўказанні ўнесці выпраўленні», — напісала кампанія. Яна прызнала, што, стварыўшы ўражанне, быццам яе софт распрацаваны цалкам яе сіламі, выклікала падазрэнне і сумневы кітайскіх праграмістаў, якія засаромеліся яе на GitHub.
Рэлацыраваліся? Цяпер вы можаце каментаваць без верыфікацыі акаўнта.