Мінскі шэрынг Kolobike распрадае ровары, можа зачыніцца

Аб’ява з’явілася на «Куфары» 12 снежня. У ёй сказана, што арганізацыя рэалізуе прыналежныя ёй ровары, якія выкарыстоўваліся гарадскім велашэрынгам і з якіх зняты GPS-трэкер. Журналістам пацвердзілі, што Kolobike распрадае ровары — у сувязі з будучай рэарганізацыяй ці магчымым закрыццём.

У кампаніі сказалі, што рынак шэрынгавых сэрвісаў моцна змяніўся. Электрасамакаты на ім паступова выціснулі ровары, і за апошні сезон у Kolobike моцна ўпалі паказчыкі. Там плануюць абнавіць парк і да новага сезона закупіць электрасамакаты, калі атрымаецца рэалізаваць усе ровары па добрай цане. У адваротным выпадку ў пачатку наступнага сезона праект можа закрыцца.

Kolobike заснаваў беларус Вадзім Асіпчык у 2019 годзе. Праект развівае кампанія «Колабайк». У ёй з сярэдзіны сакавіка 2020 года Асіпчыку належыць доля ў 30%, астатнія 70% — у беларускага бізнесмена Валерыя Шамрылава.

На беларускім рынку зараз тры буйных шэрынгавых сэрвіса з электрасамакатамі: Whoosh, Eleven і Яндэкс Go. За мінулы сезон у пракаце на вуліцах сталіцы знаходзілася каля 15 тысяч электрасамакатаў.