Мінюст ЗША: Google давядзецца прадаць Chrome, але яна зможа інвеставаць у ШІ
Google давядзецца прадаць браўзер Chrome — такое патрабаванне замацавана ў новым дакуменце Міністэрства юстыцыі ЗША, паведамляе Engadget. Прапанову аб падзеле бізнесу тэхнагіганта ўнесла адміністрацыя краіны летась пасля рашэння суда аб тым, што Google злоўжывае дамінуючым становішчам на рынку пошукавых сістэм. Паводле ўладаў, гэты крок пазбавіць Google манаполіі і забяспечыць доступ да браўзера для рухавікоў канкурэнтаў.
Google давядзецца прадаць браўзер Chrome — такое патрабаванне замацавана ў новым дакуменце Міністэрства юстыцыі ЗША, паведамляе Engadget. Прапанову аб падзеле бізнесу тэхнагіганта ўнесла адміністрацыя краіны летась пасля рашэння суда аб тым, што Google злоўжывае дамінуючым становішчам на рынку пошукавых сістэм. Паводле ўладаў, гэты крок пазбавіць Google манаполіі і забяспечыць доступ да браўзера для рухавікоў канкурэнтаў.
Таксама Мінюст падтрымаў прапанову забараніць Google плаціць Apple і іншым вытворцам смартфонаў, а таксама Mozilla за тое, каб яе пошукавік усталёўваўся па змаўчанні. Між тым прапанову прымусіць Google прадаць свае долі ў ШІ-стартапах і больш не інвеставаць у ШІ не падтрымалі — тут за кампанію заступіўся Anthropic, якому патрэбныя яе інвестыцыі. Аднак Google хочуць абавязаць загадзя паведамляць уладам аб намеры інвеставаць у ШІ.
Цяпер Google павінна прадставіць свой канчатковы спіс прапаноў па ўрэгуляванні сітуацыі. У снежаньскім дакуменце яна назвала патрабаванні Мінюста празмернымі. Кампанія заклікала не парушаць яе пагадненні з партнёрамі, такімі як Apple і Mozilla, за прадастаўленне яе пошукавіка, але дазволіць ім заключаць пагадненні з іншымі партнёрамі для розных платформаў (напрыклад, каб на iPhone і iPad па змаўчанні былі рухавікі розных распрацоўшчыкаў), а ўладальнікі браўзераў маглі б змяняць рухавікі па змаўчанні кожныя 12 месяцаў.
Канчатковае рашэнне па справе Google федэральны суд вынесе ў красавіку.
Рэлацыраваліся? Цяпер вы можаце каментаваць без верыфікацыі акаўнта.