Нярэдка, каб прыцягнуць увагу да розных праблем, людзі здымаюць відэа і распаўсюджваюць у інтэрнэце. Мінздароўя папярэджвае: часам відэа могуць парушаць закон. Так ведамства адрэагавала на з’яўленне ў сацсетках ролікаў, знятых у чэргах у паліклініцы, піша tochka.by.
Нярэдка, каб прыцягнуць увагу да розных праблем, людзі здымаюць відэа і распаўсюджваюць у інтэрнэце. Мінздароўя папярэджвае: часам відэа могуць парушаць закон. Так ведамства адрэагавала на з’яўленне ў сацсетках ролікаў, знятых у чэргах у паліклініцы, піша tochka.by.
У ведамстве нагадалі, што падобная відэаздымка магчыма толькі са згоды ўсіх асобаў, якія трапілі ў аб’ектыў камеры. Атрымаць яе трэба да пачатку запісу ў любой форме.
У адваротным выпадку здымка і публікацыя відэа могуць пацягнуць адміністрацыйную адказнасць па артыкуле 23.7 «Парушэнне заканадаўства аб абароне персанальных дадзеных» КаАП. Яна прадугледжвае штраф да 50 базавых (зараз гэта 2100 рублёў).
У Мінздароўя нагадалі, што бальніцы, паліклінікі, радзільныя дамы, станцыі хуткай медыцынскай дапамогі і іншыя арганізацыі аховы здароўя — гэта месцы, куды людзі звяртаюцца за дапамогай, часта знаходзячыся ў безабаронным становішчы.
«Яны прызначаны для падтрымкі і клопату, а не для збору кантэнту для сацыяльных сетак і маніпуляцый асабістымі перажываннямі ў імкненні набраць прагляды», — падкрэслілі ў ведамстве. І заклікалі ўсіх, хто заўважыць падобную здымку, паведамляць пра гэта супрацоўнікам арганізацыі аховы здароўя.
Тым, хто трапіў на відэа і каго гэта не задавальняе, раяць папрасіць аўтара роліка выдаліць запіс або фрагменты са сваім выявай. І яшчэ паведаміць аб парушэнні платформе, дзе размешчана відэа. Калі «па-добраму» не выйшла, трэба скардзіцца ў Нацыянальны цэнтр абароны персанальных дадзеных або ў органы ўнутраных спраў.
Рэлацыраваліся? Цяпер вы можаце каментаваць без верыфікацыі акаўнта.
В минздравах есть выходы во все интернеты, пресс-службы минздравов мониторят все цифровые траффики
Карыстальнік адрэдагаваў каментарый 10 ліпеня 2025, 23:07