Мабільны вайб-кодынг не цікавіць праграмістаў

Паводле дадзеных Appfigures, спецыялізаваныя дадаткі для ШІ-кодынгу на смартфонах застаюцца нішавымі: іх амаль не спампоўваюць і яны прыносяць мінімальны даход. Самае папулярнае рашэнне, Instance: AI App Builder, набрала толькі 16 тысяч усталёвак і ўсяго $1 тысячу спажывецкіх выдаткаў. Другі па велічыні дадатак — Vibe Studio — мае каля 4 тысяч загрузак і нулявую выручку. Астатнія гульцы паказваюць яшчэ сціплейшыя вынікі.

Тым не менш рынак працягвае фарміравацца. У гэтым годзе стартап Vibecode, які прыцягнуў $9,4 мільёна ад фонду Seven Seven Six Алекса Аганяна, запусціў iOS-аплікацыю для стварэння мабільных праграм на базе ШІ. Дадзеных аб яго першых выніках пакуль няма.

Хаця спецыялізаваныя мабільныя аплікацыі развіваюцца павольна, сама тэхналогія актыўна выкарыстоўваецца ў экасістэме. Напрыклад, платформа RevenueCat, якая абслугоўвае больш за 50 тысяч аплікацый, заявіла, што звыш 50% усіх ШІ-створаных iOS-дадаткаў выкарыстоўваюць яе для манетызацыі. Доля кліентаў, якія прыйшлі праз ШІ-асістэнтаў і платформы, у другім квартале 2025 года вырасла да 35% — супраць менш за 5% годам раней.

Распрацоўшчыкі прызнаюць: генератыўны код патрабуе дапрацоўкі. Паводле дадзеных Fastly, 95% спецыялістаў выдаткоўваюць дадатковы час на выпраўленне памылак у згенераваным кодзе. Тым не менш попыт відавочны: згодна з апытаннем Stack Overflow, 84% распрацоўшчыкаў ужо выкарыстоўваюць ці плануюць выкарыстоўваць ШІ-інструменты (год таму — 76%). Паводле дадзеных The Information, 75% хаця б спрабавалі вайбкодзіць. Даследаванне Jellyfish паказала, што 90% каманд інтэгравалі ШІ ў працэсы (супраць 61% у 2024 годзе).