Модар ператварыў Skyrim у Call Of Duty

Мод ператварае ролевую гульню ў арэну сучасных баявых дзеянняў: цяпер удзельнікі грамадзянскай вайны могуць выкарыстоўваць не мячы і лукі, а вінтоўкі, гранаты і мінамёты. Мод дадае 12 цалкам працоўных відаў агнявой зброі і выбухоўкі, у кожнага віду свае патроны, аддача, далёкасць стральбы і крытычны ўрон. Гульцы могуць перазараджацца і выкарыстоўваць прыцэл.

У гульні з’явяцца атрады ад 4 да 12 салдат, яны могуць патруляваць сваю тэрыторыю або паспрабаваць прабіцца праз варожую. Геймеры могуць далучыцца да аднаго з бакоў канфлікту ў якасці шараговага байца або нават камандзіра ўласнага атрада (да 17 чалавек). У хардкорным рэжыме мода побач з любым мірным NPC можа з’явіцца атрад салдат адной з двух фракцый.