ШІ-інструменты могуць павышаць прадуктыўнасць, але калі іх зашмат, эфект бывае адваротным. Да такой высновы прыйшлі аўтары даследавання, апублікаванага ў Harvard Business Review. Яны апыталі 1488 супрацоўнікаў буйных кампаній у ЗША з розных галін.
ШІ-інструменты могуць павышаць прадуктыўнасць, але калі іх зашмат, эфект бывае адваротным. Да такой высновы прыйшлі аўтары даследавання, апублікаванага ў Harvard Business Review. Яны апыталі 1488 супрацоўнікаў буйных кампаній у ЗША з розных галін.
Невялікая, але прыкметная частка ўдзельнікаў распавяла пра сімптомы затуманенасці свядомасці, галаўнога болю і запавольвання прыняцця рашэнняў. Аўтары называюць гэтую з’яву «AI brain fry» — калі мозг «смажыцца». Па словах аднаго з аўтараў даследавання і кіруючага дырэктара Boston Consulting Group Мэцью Кропа, асабліва гэта адчуваюць інжынеры з ліку ранніх карыстальнікаў, якія каардынуюць працу некалькіх ШІ-агентаў.
Даследаванне паказала, што прадуктыўнасць сапраўды расце, калі супрацоўнікі выкарыстоўваюць ШІ, але толькі да пэўнага моманту. Пераход з аднаго інструмента на два дае прыкметны прырост эфектыўнасці. З двух на тры — рост ужо меншы, а пасля трох інструментаў эфект пачынае зніжацца.
Адзін з кіраўнікоў інжынернай каманды апісаў гэта так: «У мяне быў адзін інструмент для тэхнічных рашэнняў, другі пісаў чарнавікі і рэзюмэ, і я пастаянна пераключаўся паміж імі, перапрацоўваючы кожную дробязь. Але замест таго, каб працаваць хутчэй, галава стала занадта перагружацца».
Кроп падкрэслівае, што праблема не ў саміх агентах: «Мы не кажам, што не трэба кіраваць некалькімі агентамі. Гэта рэальнасць — у многіх прафесіях людзі будуць кіраваць агентамі. Але важна разумець, што гэта стварае дадатковую нагрузку, і ўлічваць гэта».
Па яго словах, кантроль за агентамі патрабуе высокай кагнітыўнай нагрузкі, таму што гаворка ідзе не пра рутынную працу: калі інжынер даручае мадэлі праектаваць і пісаць код, вынік павінен быць якасным. Калі такіх агентаў становіцца некалькі, нагрузка на мозг хутка нарастае.
Паводле даследавання, 14% апытаных ужо адчуваюць «AI brain fry», але паказчык моцна адрозніваецца па галінах. Часцей за ўсё пра гэта кажуць супрацоўнікі маркетынгу (25,9%), HR (19,3%), аперацыйнай дзейнасці (17,9%) і распрацоўкі праграмнага забеспячэння (17,8%). У юрыдычных і камплаенс-ролях гэты паказчык прыблізна 6%.
Пры гэтым аўтары адзначаюць, што ШІ ўсё роўна можа зніжаць выгаранне, асабліва калі яго выкарыстоўваюць для рутынных і паўтаральных задач. А сам феномен плаўлення мозга пакуль назіраецца ў невялікай часткі работнікаў: па словах Кропа, у карпаратыўных арганізацыях менш за 5% супрацоўнікаў наогул выкарыстоўваюць ШІ-агентаў, не кажучы ўжо пра некалькі адначасова, так што ўсё наперадзе.
Релоцировались? Теперь вы можете комментировать без верификации аккаунта.