Аналітычны цэнтр Бітрыкс24 (Беларусь) вырашыў вымераць прадуктыўнасць беларусаў і для гэтага апытаў працаўнікоў 136 кампаній з 12 гарадоў. 90% рэспандэнтаў адцягваюцца ў працоўны час, а амаль палова вырашае большую частку задач за паўдня, пераказвае вынікі даследавання Office Life.
Аналітычны цэнтр Бітрыкс24 (Беларусь) вырашыў вымераць прадуктыўнасць беларусаў і для гэтага апытаў працаўнікоў 136 кампаній з 12 гарадоў. 90% рэспандэнтаў адцягваюцца ў працоўны час, а амаль палова вырашае большую частку задач за паўдня, пераказвае вынікі даследавання Office Life.
46,3% рэспандэнтаў прызналіся, што працуюць прадуктыўна 4-6 гадзін у дзень. Яшчэ траціна захоўвае прадуктыўнасць да 8 гадзін, даўжэй — толькі 4,4%. Больш за 18% прадуктыўныя менш за 4 гадзіны ў дзень. Аўтары апытання лічаць, што гэта пацвярджае глабальны трэнд: рэальная эфектыўнасць даўно не роўная колькасці гадзін, праведзеных на працы.
Толькі 9,6% рэспандэнтаў цалкам прысвячаюць працоўны дзень працоўным задачам. Астатнія адцягваюцца, прычым кожны трэці — ад 30 хвілін да гадзіны, кожны чацвёрты — да 30 хвілін у дзень. Прыкладна кожны пяты адцягваецца ад працы на 1-2 гадзіны, а 11% — больш за 2 гадзіны штодзённа.
«На жаль, 100%-ная прадуктыўнасць — ілюзія, у пагоні за якой людзі выгараюць на доўгай дыстанцыі. Менавіта пра гэта кажуць нам даныя аб 90% удзельнікаў апытання, якія адцягваюцца падчас працы. Мозг не працуе восем гадзін запар на поўную магутнасць. Яму патрэбныя пераключэнне фокусу, адпачынак і зразумелая структура працы, да якой можна вярнуцца пасля адпачынку», — сказала CEO Бітрыкс24 (Беларусь) Ніна Ніканорава. Яна дадала, што свет перайшоў ад мадэлі «быць на месцы» да «быць у фокусе на сапраўды важным», а чалавек не машына і не павінен ёю быць.
Даследаванне таксама паказала, што кожная другая задача губляецца з-за вусных дамоўленасцей і адсутнасці сістэмнага падыходу да арганізацыі працоўных працэсаў.
Релоцировались? Теперь вы можете комментировать без верификации аккаунта.
вкалывают роботы,
счастлив человек
Любой РМ с дремучих времён знает, что эффективное время разработчиков для оценки задач - 5,5 часов в день, а не 8. Так что данное исследование никакой революции не произвело