Жыхар Паўночнай Караліны пры дапамозе нейрасетак стварыў велізарную колькасць фэйкавых музычных гуртоў і сотні тысяч песень, выклаў іх на стрымінгавыя сэрвісы, дзе яны набралі мільярды праслухоўванняў, і зарабіў на гэтым больш за $10 млн у выглядзе роялці.
Жыхар Паўночнай Караліны пры дапамозе нейрасетак стварыў велізарную колькасць фэйкавых музычных гуртоў і сотні тысяч песень, выклаў іх на стрымінгавыя сэрвісы, дзе яны набралі мільярды праслухоўванняў, і зарабіў на гэтым больш за $10 млн у выглядзе роялці.
52-гадовы музыка Майкл Сміт быў арыштаваны ў сераду. Яго схема дзейнічала на працягу сямі гадоў. Аферысту выстаўленыя абвінавачванні ў махлярстве і змове па трох пунктах. У суме яму пагражае да 60 гадоў турмы.
Сміт працаваў разам з двума змоўшчыкамі, імёны якіх не ўдакладняюцца: гэта музычны прамоўтар і гендырэктар музычнай АІ-кампаніі. Апошні пастаўляў Сміту тысячы песень на тыдзень, а той накручваў праслухоўванні пры дапамозе ботаў — рэальныя людзі АІ-трэкаў не слухалі.
Назвы трэкаў першапачаткова складаліся з выпадковых літар і лічбаў накшталт " n_7a2b2d74-1621-4385-895d-b1e4af78d860.mp3». пры загрузцы на платформы, такія як Amazon Music, Apple Music, Spotify і YouTube Music, назвы мянялі на дзіўныя словы накшталт «Zygotes,» «Zygotic» і «Zyme Bedewing». Выдуманыя групы назваліся не лепш — «Calorie Event», «Calms Scorching», «Calypso Xored» і да таго падобным чынам.
Паводле слоў пракурораў, Сміт скраў грошы ў сапраўдных музыкаў і кампазітараў, узнагароды якім выплачваюцца з агульнага пула. Пры гэтым, калі ў 2018 годзе адная кампанія западозрыла яго ў махлярстве і апавясціла, што атрымала некалькі скаргаў, ён адказаў: «Гэта абсалютная хлусня і вар’яцтва! Абсалютна ніякага махлярства не адбываецца! Як я магу гэта абскардзіць?»
Рэлацыраваліся? Цяпер вы можаце каментаваць без верыфікацыі акаўнта.
Т.е стриминги латили больше, чем стоили боты которые "прослушивали" эти записи?
У стриминга с экономикой как то не сходиться тогда.