«Мы не адступім. Нас не запалохаць»: стваральнікі нейрасеткі для генерацыі порна пракаментавалі блакаванне на Kickstarter

Платформа патлумачыла забарону ўзмацненнем жорсткасці правілаў, што тычацца праектаў, звязаных са штучным інтэлектам. Праз некалькі гадзін пасля блакавання стваральнікі нейрасеткі пракаментавалі сітуацыю ў сваім Discord-канале. Яны заявілі, што не збіраюцца здавацца.

«У нас ёсць тэрміновыя навіны, якімі мы хочам з вамі падзяліцца. Выглядае на тое, што праціўнікі нейрасетак спрабуюць прымусіць нас змоўкнуць і знішчыць нашую супольнасць, у тым ліку пасылаючы лжывыя скаргі на Kickstarter, Patreon і Discord. Яны нават запусцілі сваю кампанію на GoFundMe і ўжо сабралі 150 тысяч долараў з мэтай дамагчыся таго, каб АІ-мастацтва прызналі незаконным на дзяржаўным узроўні», — сказана ў заяве.

«На жаль, мы бачылі, як іншыя супольнасці і кампаніі здаліся пад націскам падобных атак. Zeipher абвясціла пра прыпыненне выпуску ўсіх сваіх мадэлей і закрыла канал, а Stability AI цяпер выдаляе работы мастакоў са Stable Diffusion 3.0. Але мы не будзем маўчаць. Мы не дазволім ім здушыць нашую творчасць і інавацыі. У нас моцная супольнасць. Невялікай групе людзей, якія баяцца новых тэхналогій, нас не перамагчы. Мы не адступім. Нас не запалохаць. Мы будзем змагацца за нашае права тварыць, укараняць інавацыі ў творчасць і пашыраць межы магчымага», — дадалі яны.