Першы намеснік кіраўніка адміністрацыі Аляксандра Лукашэнкі Уладзімір Пярцоў у рамках калегіі Мінінфарма растлумачыў, ці будуць у Беларусі ўводзіцца ўзроставыя цэнзы на карыстанне сацсеткамі для дзяцей і падлеткаў, як гэта адбываецца ў некаторых іншых краінах.
Першы намеснік кіраўніка адміністрацыі Аляксандра Лукашэнкі Уладзімір Пярцоў у рамках калегіі Мінінфарма растлумачыў, ці будуць у Беларусі ўводзіцца ўзроставыя цэнзы на карыстанне сацсеткамі для дзяцей і падлеткаў, як гэта адбываецца ў некаторых іншых краінах.
Калі коратка, то не, таму што праз сацсеткі ўладам вельмі зручна ўкладваць у галаву моладзі тое, што ім трэба.
«Па-першае, не блакаваць сацыяльныя сеткі для дзяцей 15-16 гадоў, а ўводзіць узроставыя абмежаванні і іншыя цэнзы, якія ўжо заканадаўча прынятыя ў тым ліку і ў суседніх краінах, — пракаментаваў ён недакладнае слова. — З улікам таго, што сацсеткі ўсё больш пачынаюць уплываць на маладое пакаленне, якое з дарасленнем не набывае досвед прачытання папяровых газет і застаецца верным сваім лічбавым пляцоўкам, праз якія нам дастаткова эфектыўна ўдаецца прасоўваць сваю праўду ў дачыненні краіны», — так проста заявіў чыноўнік.
Па яго словах, іншыя краіны абмяжоўваюць сацсеткі для дзяцей «пад падставай іх падступных алгарытмаў, псіхічнага ўздзеяння, дапускаючы парог уваходжання ўжо ў больш-менш свядомым узросце». Але пераймаць іх беларускія ўлады — пакуль — не будуць.
«Прымаць рэгуляцыйныя рашэнні ў дачыненні абмежаванняў па ўзросце або якімсьці яшчэ параметрам мы пакуль не збіраемся», — падкрэсліў Перцаў.
Ён дадаў, што такіх механізмаў абмежавання ў краіне пакуль няма, і паказаў на тэхнічныя складанасці пытання. Напрыклад, няма гарантыі, які менавіта карыстальнік у дадзены момант уваходзіць пад тым ці іншым нікам у сацсетку.
«Пры гэтым мы ведаем, што праз гульнявыя платформы, сацсеткі паўзучы наступ на нашую моладзь ужо ёсць. Гэтыя сацыяльныя сеткі пачынаюць збор персанальных дадзеных, прымушаюць маладога чалавека, часта дзіця, прад’явіць скан або фота свайго пашпарта або іншага дакумента, каб усю лічбавую праўду пра гэтага персанажа сабраць разам у пэўным банку захоўвання для разумення, хто і пад якім нікам уваходзіць, якія рэсурсы наведвае, у што гуляе, што гугліць, перасылае. Мы гэта бачым, назіраем, пакуль робім толькі папярэднія высновы», — расказаў Пярцоў.
Але ў цэлым што рабіць у гэтым імкліва зменлівым лічбавым свеце, улады пакуль не вызначыліся. «Бачым, што адбываецца з Telegram, TikTok, як гаснуць некаторыя звыклыя дамінуючыя сацыяльныя сеткі, як адбываюцца істотныя змены ў медыяландшафтах. Да чаго гэта прывядзе, як нам у гэта ўбудоўвацца, пакуль адкрытае пытанне для органаў рэгулятара», — дадаў ён.
Рэлацыраваліся? Цяпер вы можаце каментаваць без верыфікацыі акаўнта.
Зачем блокировать - надо родителей штрафовать. Зашёл в пейсбук - две базовых штраф. Лайкнул блохера из роблокс в тытупе - 15 суток. Посмотрел видеобелбай - почотная грамота от брсм в школе
Карыстальнік адрэдагаваў каментарый 5 сакавіка 2026, 14:53