Дызайнер стварыў камп’ютарную мыш-арыгамі

У раскладзеным выглядзе таўшчыня гаджата складае 4,5 міліметры. Мыш зручна насіць у кішэні, яна лёгка складваецца ў функцыянальную прыладу. Для гэтага трэба злучыць два бакі з дапамогай магнітнай зашчапкі. Вага прылады 40 грамаў, яе самае аб’ёмнае месца — вобласць з інфрачырвоным датчыкам шырынёй адзін сантыметр.

Мыш адсочвае аб’екты на працоўным стале з хуткасцю да 30 цаляў (762 міліметры) за секунду. Прылада сумяшчальная з тэхнікай Apple, Android і Windows з падтрымкай Bluetooth. Адной зарадкі прыладзе хапае на тры месяцы. Цяпер распрацоўшчык збірае грошы на вытворчасць мышы. Арыенціровачна гаджат можа каштаваць $69.