Паводле дадзеных Дзяржпагранкамітэта на 16 гадзін 14 жніўня, выезду з Беларусі ў Польшчу ў пункце пропуску Брэст-Тэрэспаль чакалі рэкордныя 3260 легкавых аўтамабіляў і 45 аўтобусаў. Як адзначае партал tochka.by, цяпер там можна захранснуць на тыдзень.
Беларускія памежнікі абвінавачваюць у сітуацыі, што склалася, польскіх калег, якія за суткі прынялі на сваю тэрыторыю толькі 34% аўто ад нормы.
Прычым самі памежнікі назвалі гэта антырэкордам — яшчэ ў 10 гадзін раніцы ў пятніцу, калі ў чарзе было 3200 легкавушак. За папярэднія суткі іх колькасць вырасла на 350 штук. Прычым працягваецца гэта не першы тыдзень.
У мінулым годзе ў сярэдзіне жніўня таксама сур’ёзна павялічылася колькасць жадаючых трапіць у Польшчу, але тады небывалы ажыятаж быў з аўтобусамі. Напрыклад, 19 жніўня іх было ў чарзе 80, а праз тры дні — ужо 108. Бліжэй да верасня чарга паменшылася. Тады гэта звязвалі з выездам беларусаў на вучобу ў еўрапейскія краіны.
Чарга з машын таксама выклікала абурэнне. На легкавушках уезду ў Польшчу чакала каля 500 аўта — зусім нічога па сённяшніх часах.
Рэлацыраваліся? Цяпер вы можаце каментаваць без верыфікацыі акаўнта.