На «Куфары» прадаюць бота для запісу на польскую візу

Аб’явы размешчаны ў раздзеле «Гатовы бізнес». У іх карыстальнік па імені Валерый прапануе код для бота. У сакавіку гатовы бот каштаваў 800 рублёў, цяпер цана вырасла да 900 рублёў. Абедзве аб’явы адрасаваны жыхарам Гродна і вобласці.

Падобныя аб’явы з’яўляліся і раней — у лістападзе мінулага года карыстальнік пад нікам valera2901 спрабаваў прадаць бота для запісу кліентаў на візу на «Барахолцы Onliner». «Акупальнасць 3–4 месяцы, праца дыстанцыйна — патрэбны толькі ноўтбук, магчымы варыянт супрацоўніцтва. Падтрымка праграміста без даплат, магчымасць здачы бота ў арэнду», — пісаў аўтар. Геалакацыя — Мінск.

Як адзначаюць медыя, атрымаць польскую візу беларусам становіцца ўсё цяжэй. Гэта звязана, у тым ліку, з істотным скарачэннем колькасці супрацоўнікаў консульстваў у Мінску, Брэсце і Гродне за апошнія чатыры гады. Візавых анкет прымаюць менш. З улікам таго, што цяпер беларусы гатовыя нямала плаціць за дапамогу ў рэгістрацыі, купля бота акупілася б з некалькіх кліентаў.

У студзені 2024 года ў Беларусі спыніўся прыём дакументаў на візу PBH. Запісацца на атрыманне візы самастойна амаль немагчыма нават з запрашэннем ад сваякоў, сяброў або працадаўцы з Польшчы. Фірмы-пасярэднікі бяруць за свае паслугі ад 400 да 1000 рублёў з чалавека ў залежнасці ад тыпу візы.

Польшча выдала беларусу працоўную візу з вельмі дзіўным абмежаваннем

Па тэме

Польшча выдала беларусу працоўную візу з вельмі дзіўным абмежаваннем

У Польшчы прыняты два законы, якія паўплываюць на замежных работнікаў і студэнтаў

Па тэме

У Польшчы прыняты два законы, якія паўплываюць на замежных работнікаў і студэнтаў