NASA абвясціла склад каманды астранаўтаў, якія паляцяць да Месяца
Касмічнае агенцтва абвясціла імёны чатырох астранаўтаў, якія прымуць удзел у месяцовай праграме — місіі Artemis-2.
У склад месяцовай місіі ўвайшлі трое амерыканцаў Крысціна Кох, Віктар Гловер і Рыд Уайзмен, а таксама канадзец Джэрэмі Хансен. Яны стануць першымі людзьмі, якія здзейсняць палёт да Месяца больш як за 50 гадоў. Таксама ў экіпаж месяцовай місіі ўпершыню ўвойдуць жанчына, афраамерыканец і канадзец.
Палёт да Месяца адбудзецца не раней за лістапад 2024 года. Місія прадоўжыцца дзесяць дзён. Пасля запуску ракеты-носьбіта SLS (Space Launch System) карабель «Арыён» выйдзе на эліптычную арбіту, якая пройдзе на вышыні да 2900 кіламетраў над Зямлёй. Затым «Арыён» наблізіцца да Месяца, але не стане выходзіць на ягоную арбіту, а вернецца на Зямлю. У ходзе Artemis-3 астранаўты плануюць высадзіцца на Месяцы.
Зрабіце хайрынг эфектыўным — заходзьце на jobs.dev.by і закрывайце хутка самыя гарачыя пазіцыі
Читать на dev.by