Наём джуноў абрынуўся на 70% усяго за год у чатырох IT-гігантах Індыі

У індыйскім ІТ-сектары занята 5,4 млн чалавек, ён забяспечвае 8% ВУП краіны і працоўныя месцы для гарадскога сярэдняга класа. Па прагнозах, да 2033 года на рынак працы будзе штогод выходзіць 8-9 млн новых работнікаў.

Аднак зараз на тэхналагічным рынку краіны назіраецца трывожны спад найму маладых супрацоўнікаў. Калі ў 2023 годзе чатыры найбуйнейшыя ІТ-экспарцёры Індыі сумарна нанялі 225 тысяч выпускнікоў ВНУ, то ўжо да 2024-га гэтая лічба абвалілася да 60 тысяч, гэта значыць на 70%.

Падчас хайрынгавага буму ў 2022 фінансавым годзе толькі TCS і Infosys удваіх нанялі 157 тысяч супрацоўнікаў. У 2025 фінансавым годзе — толькі каля 12,8 тысячы. Акрамя таго, упершыню за некалькі дзесяцігоддзяў штат дзвюх кампаній скарачаецца. У 2024 фінансавым годзе TCS «пахудзела» больш чым на 13 тысяч чалавек, а Infosys «скінула» 25 тысяч.

Змяніўся і ўзроставы склад супрацоўнікаў тэхнакампаній. Калі ў 2010–2011 гадах 70% работнікаў TCS былі не старэйшыя за 30 гадоў, то да канца фіскальнага 2025 года такіх было менш за 48% сярод індыйскіх работнікаў кампаніі.

Такі трэнд у найме Сінгх звязвае з распаўсюджваннем ШІ, які ўжо добра выконвае задачы пачатковага ўзроўню. Таксама кампаніі імкнуцца зніжаць кошты для кліентаў і ствараць тыя ж прадукты і паслугі, задзейнічаючы менш працоўных рук. Да таго ж ІТ-топам не трэба прымушаць джуноў працаваць па 70 гадзін у тыдзень, калі ёсць ШІ.