Названы самы верагодны пераемнік Кука на пасадзе кіраўніка Apple

Выданне робіць агаворку, што няма ніякіх прычын меркаваць, што змена лідара адбудзецца зусім неўзабаве. Але калі абставіны складуцца менавіта так, то, на думку дасведчаных крыніц, Apple узначаліць аперацыйны дырэктар Джэф Уільямс. Яго сталі разглядаць у якасці пераемніка Кука яшчэ некалькі гадоў таму.

Аднак Уільямс толькі на два гады маладзейшы за Кука, і крыніцы Bloomberg унутры кампаніі лічаць малаверагодным, што ён затрымаецца ў крэсле гендырэктара надоўга. Праўленне Apple хацела б бачыць у ім чалавека, які прабудзе на пасадзе хоць бы гадоў дзесяць.

Людзі з акружэння Кука ўпэўненыя, што ён сыдзе ў адстаўку не раней чым праз тры гады. У такім выпадку найбольш верагоднай заменай яму стане Джон Торнус — старшы віцэ-прэзідэнт Apple па распрацоўцы апаратнага забеспячэння, які набірае ўсё большую вагу ў кампаніі апошнімі гадамі.

Торнус мае добрую рэпутацыю ў Apple, карыстаецца павагай самога Кука і калег-кіраўнікоў. Ён асцярожны са словамі і асцярожна падыходзіць да прыняцця рашэнняў, мяккі, а таксама ўмее праводзіць прэзентацыі. Галоўнае — яму цяпер 49 гадоў, а значыць, ён хутчэй за іншых топ-менеджараў застанецца на чале Apple на доўгі час.