Netflix дазволіў абменьвацца паролямі за $7,99 на месяц

Стандартны тарыф за $15,49 мае на ўвазе даданне аднаго ўдзельніка, з якім можна дзяліцца паролем. Уладальнікі прэміум-тарыфу могуць дадаць двух удзельнікаў, але кожны будзе каштаваць $7,99 на месяц. Уладальнікі базавага або стандартнага тарыфу з рэкламай ($9,99 і $6,99) не змогуць дадаць удзельніка і дзяліцца паролем.

Функцыя стала даступная карыстальнікам з ЗША і Вялікабрытаніі, дагэтуль яе тэсціравалі ў Канадзе, Новай Зеландыі, Партугаліі і Іспаніі. Раней у красавіку колькасць карыстальнікаў Netflix скарацілася ўпершыню за дзесяць гадоў. Паводле даных кампаніі, каля 100 мільёнаў карыстальнікаў карыстаюцца сэрвісам праз паролі іншых людзей.