Nokia змяніла лагатып упершыню за 60 гадоў

«Раней мы асацыяваліся са смартфонамі, а цяпер мы кампанія з тэхналогіямі для бізнэсу», — заявіў гендырэктар Nokia Пека Лундмарк. Новы лагатып складаецца з пяці фігур, якія ўтвараюць слова Nokia. Фірмовы сіні колер дызайнеры замянілі на дыяпазон колераў у залежнасці ад выкарыстання.

«Мы хочам перазапусціць брэнд і надаць больш увагі 5G-сеткам і прамысловай лічбавізацыі. Гэта кардынальна адрозніваецца ад асацыяцыі з састарэлымі мабільнымі тэлефонамі», — дадаў Лундмарк. Выданне адзначае, што гэта першае змяненне лагатыпа амаль за 60 гадоў.