Новая функцыя Youtube дапаможа маленькім каналам набраць папулярнасць

Новая кнопка Hype з’явіцца пад відэа аўтараў з колькасцю падпісчыкаў менш за 500 000. Гледачы змогуць «хайпіць» да трох ролікаў на тыдзень. Кожны «хайп» прыносіць відэа ачкі, якія дапамагаюць яму падняцца ў новым рэйтынгавым спісе — Hype Leaderboard, даступным у раздзеле Explore.

Каб падтрымка была справядлівай, Youtube увёў бонус: чым менш падпісчыкаў у аўтара, тым большую вагу мае «хайп» ад гледача. Відэа, якія атрымалі падтрымку, будуць адзначаны бэйджам «Hyped», а карыстальнікі змогуць фільтраваць сваю стужку па катэгорыі «hyped». Акрамя таго, гледачы будуць атрымліваць апавяшчэнні, калі іх «хайпнутае» відэа блізка да трапляння ў рэйтынг.

За актыўнасць прадугледжаны штомесячныя значкі «hype star» для самых адданых фанатаў. Youtube падкрэсліў, што функцыя ствараласяя для таго, каб даць фанатам шанец стаць часткай поспеху крэатараў. Аднак у будучыні яна стане і крыніцай даходу: кампанія плануе ўвесці платныя «hypes». Зараз гэты інструмент тэсціруецца ў Бразіліі і Турцыі.

У бліжэйшы час Youtube рыхтуе лідэрборды па інтарэсах — напрыклад, для гейминга ці моды. Таксама з’явіцца магчымасць дзяліцца тым, што карыстальнік «хайпнуў» канкрэтнае відэа. Аўтары змогуць адсочваць свае «hype points» і аналітыку ў мабільнай аплікацыі YouTube Studio, дзе з’явіцца асобная карта Hype і штотыднёвыя зводкі.