«Ніхто не адмяняў традыцыйную любоў да радзімы». Новая кіраўніца ПВТ распавяла аб вяртанні ІТ-спецыялістаў, якія з'ехалі

«Гэтае асяроддзе інавацыйнае і айцішнае ў прыватнасці, яно наогул вельмі рухомае, яно рухаецца па свеце, яно лёгкае на пад’ём, яно перамяшчаецца. Але пры гэтым ніхто не адмяняў традыцыйную любоў да радзімы», — падзялілася сваім бачаннем фактараў ад’езду Рабава.

Яна дадала, што яе сын — айцішнік, і што ў яе шмат знаёмых у гэтым асяроддзі. І гэта людзі, якія здольныя «ацаніць вартасці радзімы». Галоўнае — працаваць на прадпісаных умовах.

«Таму тут, напэўна, размова будзе ісці аб тым, наколькі гэтыя людзі гатовыя, па-першае, вярнуцца, гатовыя працаваць па тых правілах і ўстаноўках, якія дае наша краіна, і наколькі мы з свайго боку прапануем рэжым, умовы, якія максімальна дазваляюць ім задаволіць свае амбіцыі. Таму тут такі двухбаковы рух», — лічыць Рабава.

Але наогул, працягнула начальніца сакратарыята ПВТ, дзверы адчыненыя для ўсіх, хто хоча быць карысным на «нашай тэрыторыі».

«Я не думаю, што ёсць тут нейкія забароны, калі няма нейкіх наогул прама жорсткіх абмежавальнікаў для вяртання. Ва ўсіх астатніх выпадках, вядома, у нас краіна заўсёды гэта наш брэнд нашай краіны быў у тым, што мы чакаем, вітаем, падтрымліваем усіх людзей, якія жадаюць на нашай тэрыторыі развівацца, прыносіць нам карысць», — сказала яна.