Новае інтэрв'ю Дурава: пра Telegram пасля яго, гандлі з Google і працы над «забойцам ChatGPT»

Telegram — не тавар, а ідэя

Дураў пацвердзіў, што валодае 100% акцый Telegram і «ніколі не прадасць кампанію», нягледзячы на цікавасць з боку буйных карпарацый, уключаючы Google. Ён адмовіўся ад прапановы Сундара Пічаі ў 2017 годзе на $1 мільярд, заявіўшы, што «Telegram — гэта абяцанне канфідэнцыйнасці, незалежнасці і свабоды, дадзенае карыстальнікам». «Я вынес урок з гісторыі з „ВКонтакте“. Як толькі вы дзеліцеся кантролем, вы губляеце сваю свабоду», — падкрэсліў ён.

Пытанне бяспекі

Паводле слоў Дурава, Telegram ніколі не перадаваў перапіскі карыстальнікаў і не будзе гэтага рабіць. Адзінае, што каманда можа прадаставіць па судоваму рашэнні — гэта IP-адрас і нумар тэлефона падазраванага. Telegram застаецца палітычна нейтральнай платформай, заявіў ён.

Цэнзура

Дураў выказаў занепакоенасць еўрапейскім законам DSA, які абмяжоўвае распаўсюджванне нелегальнага кантэнту. На яго думку, такія законы ствараюць небяспечны прэцэдэнт: сёння яны накіраваны на тэарэтыкаў змовы, а заўтра — на тых, хто гэтыя законы прыняў. «Свабоду нельга адстойваць напалову. Як толькі вы узаконіце цэнзуру, вярнуць усё назад будзе цяжка», — заявіў бізнесмен.

ШІ пераацэнены

Дураў крытычна адгукнуўся аб сучасных моўных мадэлях кшталту ChatGPT: «Праблема ў тым, што сучасны генератыўны ШІ тыпу LLM не думае. Ён не разумее. Ён проста счытвае велізарную колькасць тэксту і выплёўвае кансэнсусную версію. Гучыць праўдападобна, але гэта не абавязкова так.». Ён дадаў, што яго брат Мікалай зараз працуе над «па-сапраўднаму разумным ШІ», здольным лагічна мысліць, а не проста прадбачыць словы. ШІ ужо выкарыстоўваецца ў Telegram для мадэрацыі кантэнту: да 99% парушэнняў апрацоўваюцца аўтаматычна. Таксама алгарытмы дапамагаюць карыстальнікам перакладаць, падбіраць загалоўкі і рэзюмаваць тэксты.

Telegram пасля Дурава

У выпадку смерці ці знікнення Дурава кіраванне Telegram пяройдзе да некамерцыйнага фонду, што забяспечыць «бесперапыннасць працы платформы, павагу да канфідэнцыйнасці і свабоды слова». Бізнесмен падкрэсліў, што не атрымлівае даход ад Telegram, не атрымлівае заробак і не выплачвае сабе дывідэнды. Наадварот, платформа да гэтага часу нясе даўгавую нагрузку з-за няўдалага блокчэйн-праекта (TON), і асабіста ён уклаў у развіццё месэнджара амаль усе сродкі, атрыманыя ад продажу «ВКонтакте».

Аскетызм

Дураў вядзе лічбава-аскетычны лад жыцця: не носіць смартфон, не карыстаецца апавяшчэннямі, штодзённа робіць па 300 прысяданняў і пазбягае кафеіну, цукру і алкаголю. «У нашы дні ўвага — цяпер самы каштоўны тавар. Апавяшчэнні — гэта паразіты ў нашым жыцці. Я аддаю перавагу берагчы свой розум. Гэта таксама форма павагі да людзей, з якімі я маю зносіны: я сапраўды знаходжуся побач з імі».

«Зусім нядаўна я напісаў тэстамент… Я вырашыў, што мае дзеці не будуць мець доступу да майго багацця, пакуль не пройдзе 30 гадоў, пачынаючы з сённяшняга дня. Я хачу, каб яны жылі як звычайныя людзі, будавалі сябе, вучыліся давяраць адзін аднаму, маглі тварыць, а не залежаць ад банкаўскага рахунку. Я хачу ўдакладніць, што не раблю адрозненняў паміж сваімі дзецьмі: ёсць тыя, хто быў зачаты натуральным шляхам, і тыя, хто нарадзіўся ў выніку здачы спермы. Усе яны мае дзеці, і усе яны будуць мець аднолькавыя правы. Я не хачу, каб яны разарвалі адзін аднаго на часткі пасля маёй смерці», — распавёў прадпрымальнік.