Nokia абвесціла пра ўгоду з Nvidia, у рамках якой атрымае $1 млрд ад амерыканскага чыпмейкера. Інвестыцыі дапамогуць фінскай кампаніі паскорыць распрацоўку і разгортванне мабільных сетак. Яе каціроўкі на навінах узляцелі на 22%, адзначае CNBC.
У межах угоды Nokia выпусціць больш за 166 млн новых акцый, а сродкі накіруе на рэалізацыю планаў у сферы ШІ і іншыя карпаратыўныя мэты. Nvidia будзе належаць 2,9% каштоўных папер Nokia.
Дзве кампаніі будуць разам распрацоўваць тэхналогію сувязі 6 пакалення (6G). Nokia адаптуе свой софт для сетак 5G і 6G для працы на чыпах Nvidia і будзе супрацоўнічаць з ёй над сеткавымі тэхналогіямі для ШІ.
Апрача гэтага, Nvidia запартнёрылася з Uber і хоча стварыць найбуйнейшую ў свеце сетку беспілотных таксі і грузавікоў. У аснову праекта ляжа новая ШІ-платформа Nvidia Drive AGX Hyperion 10, якая дазваляе любому аўтамабілю стаць робататаксі 4 узроўня аўтаномнасці.
Uber пачне разгортваць беспілотны аўтапарк у 2027 годзе. Чакаецца, што ён будзе налічваць 100 тысяч аўто і падтрымлівацца сумеснай ШІ-фабрыкай дадзеных, пабудаванай на аснове платформы Nvidia Cosmos.
Релоцировались? Теперь вы можете комментировать без верификации аккаунта.