Сярод ключавых абнаўленняў месэнджара — функцыя кароткіх пераказаў доўгіх публікацый з дапамогай штучнага інтэлекту і завяршэнне пераходу на дызайн з эфектам «вадкага шкла» ва ўсіх раздзелах праграмы для iOS.
Сярод ключавых абнаўленняў месэнджара — функцыя кароткіх пераказаў доўгіх публікацый з дапамогай штучнага інтэлекту і завяршэнне пераходу на дызайн з эфектам «вадкага шкла» ва ўсіх раздзелах праграмы для iOS.
Пры праглядзе доўгіх пастоў у каналах карыстальнікі цяпер могуць імгненна пераключацца на кароткі змест. Акрамя таго, у артыкулах, адкрытых у рэжыме хуткага прагляду, у верхняй частцы аўтаматычна адлюстроўваецца сціслая версія тэксту, створаная ШІ. Функцыя дазваляе хутчэй арыентавацца ў навінах і эканоміць час пры чытанні.
Для генерацыі пераказаў Telegram выкарыстоўвае мадэлі з адкрытым зыходным кодам, якія працуюць на базе дэцэнтралізаванай сеткі Cocoon. Гэтую сетку ў канцы лістапада 2025 года прэзентаваў заснавальнік месэнджара Павел Дураў. У кампаніі падкрэсліваюць, што кожны запыт у Cocoon зашыфраваны, а архітэктура сеткі арыентаваная на максімальную абарону карыстальніцкіх даных. Cocoon таксама можа быць інтэграваная ў пабочныя ШІ-праграмы, для распрацоўшчыкаў даступная асобная дакументацыя.
Адначасова Telegram завяршыў укараненне візуальнага стылю Liquid Glass у версіі для iOS. Празрыстыя элементы інтэрфейсу і мяккія эфекты праламлення святла цяпер выкарыстоўваюцца ва ўсіх раздзелах праграмы. Першыя элементы з’явіліся яшчэ ў кастрычніку 2025 года: у ніжняй панэлі навігацыі, на клавіятуры і ў асобных блоках інтэрфейсу. Кіраваць адлюстраваннем візуальных эфектаў карыстальнікі могуць у наладах, у раздзеле «Энергазберажэнне», што дазваляе знізіць нагрузку на прыладу і расход акумулятара.
У Telegram таксама нагадалі, што за 2025 год сэрвіс выпусціў 13 буйных абнаўленняў і дадаў больш за 75 новых функцый. У сярэднім новыя версіі выходзілі раз у 26 дзён, а ў асобных выпадках інтэрвал паміж рэлізамі складаў усяго некалькі дзён.
Релоцировались? Теперь вы можете комментировать без верификации аккаунта.
гідота яшчэ тая ваша (іхняе) вадкае шкло