Месэнджар у абнаўленні цалкам перапрацаваў дызайн Android-аплікацыі і дадаў новую механіку стварэння калекцыйных падарункаў. Таксама змены закранулі кіраванне групамі і інструменты для распрацоўшчыкаў ботаў.
Месэнджар у абнаўленні цалкам перапрацаваў дызайн Android-аплікацыі і дадаў новую механіку стварэння калекцыйных падарункаў. Таксама змены закранулі кіраванне групамі і інструменты для распрацоўшчыкаў ботаў.
Галоўным нововвядзеннем стаў маштабны рэдызайн Android-версіі. У аплікацыі з’явілася ніжняя панэль навігацыі, якая дазваляе хутчэй пераключацца паміж чатамі, профілем, наладамі і іншымі раздзеламі. Каманда таксама перапісала код інтэрфейса, каб забяспечыць больш плыўную працу на прыладах рознай магутнасці. Пры неабходнасці карыстальнікі могуць адключыць анімацыі і візуальныя эфекты ў рэжыме энергазберажэння.
У версіі для iOS дадалі дадатковыя элементы з эфектам «вадкага шкла». Змены закранулі прагляд фота і відэа, панэлі эмодзі і стыкераў, а таксама кантэкстных меню. На iPad з’явілася магчымасць адпраўляць паведамленні спалучэннем клавіш ⌘+Enter.
Абнаўленне спрасціла і кіраванне супольнасцямі. Калі ўладальнік групы пакіне яе, праз тыдзень правы аўтаматычна пяройдуць аднаму з адміністратараў. Пры выхадзе цяпер адлюстроўваецца акно пацверджання, дзе можна адразу прызначыць новага ўладальніка. Перадаць кіраванне іншаму ўдзельніку па-ранейшаму можна ў любы момант без неабходнасці пакідаць чат.
Яшчэ адной прыкметнай функцыяй стала «выраб падарункаў». Карыстальнікі змогуць аб’ядноўваць да чатырох калекцыйных падарункаў, каб ствараць рэдкія ці нават легендарныя версіі з унікальнымі візуальнымі эфектамі. Для куплі і продажу падарункаў даступны ўбудаваны маркетплэйс.
Распрацоўшчыкі ботаў атрымалі новыя інструменты афармлення — цяпер кнопкам можна задаваць колеры і дадаваць эмодзі, робячы інтэрфейсы больш нагляднымі.
Рэлацыраваліся? Цяпер вы можаце каментаваць без верыфікацыі акаўнта.