На рынку працы Беларусі назіраецца ўстойлівы і высокі попыт на кваліфікаваных рабочых з сярэдняй спецыяльнай адукацыяй, напрыклад станочнікаў, электрамантажнікаў і будаўнікоў. Разам з тым застаюцца актуальнымі інжынерныя кадры. Пра гэта першы намміністра працы і сацабароны Таццяна Астрэйка расказала выданню sb.by.
На рынку працы Беларусі назіраецца ўстойлівы і высокі попыт на кваліфікаваных рабочых з сярэдняй спецыяльнай адукацыяй, напрыклад станочнікаў, электрамантажнікаў і будаўнікоў. Разам з тым застаюцца актуальнымі інжынерныя кадры. Пра гэта першы намміністра працы і сацабароны Таццяна Астрэйка расказала выданню sb.by.
Паводле яе, цяпер адбываецца важная трансфармацыя: проста быць інжынерам ужо недастаткова — лічбавізацыя патрабуе ад іх новых кампетэнцый.
«На першы план выходзяць спецыялісты, якія ўмеюць не проста выкарыстоўваць тэхналогіі, а кіраваць імі: навучаць AI-мадэлі, працаваць з дадзенымі, укараняць разумныя рашэнні. Разумныя склады, беспілотны транспарт, кібербяспека — усё гэта патрабуе не толькі інжынернага мыслення, але і глыбокіх лічбавых кампетэнцый, якія становяцца абавязковым дапаўненнем да класічных прафесій», — адзначыла чыноўніца.
Яна адзначыла, што цяпер у цэлым у кожнага, хто ў гэтым зацікаўлены, ёсць магчымасць знайсці працу. Узровень беспрацоўя ў Беларусі паводле метадалогіі Міжнароднай арганізацыі працы знаходзіцца на гістарычным мінімуме — 2,4%, а ўзровень занятасці, асабліва сярод людзей ва ўзросце 25-49 гадоў, набліжаецца да 95%. Другі год запар павялічваецца колькасць занятых у эканоміцы: паводле даных на красавік іх было 4,2 млн чалавек.
У цэлым забяспечанасць наймальнікаў кадрамі цяпер складае 96,6%. А ў ІТ гэты паказчык і ўвогуле дасягае 98,9%.
Астрэйка таксама расказала пра развіццё партала службы занятасці. Там спрасцілі пошук вакансій для розных катэгорый грамадзян і дадалі магчымасць заяўляць пра перспектыўную патрэбу ў супрацоўніках — цяпер можна даведацца пра вакансіі, якія толькі плануецца стварыць. Таксама ў карыстальнікаў партала ёсць магчымасць паўдзельнічаць у электронным кірмашы вакансій, прайсці прафтэставанне для выбару будучай прафесіі і азнаёміцца з заканадаўствам не выходзячы з дому.
Релоцировались? Теперь вы можете комментировать без верификации аккаунта.