«Не меў рацыі»: мінскі майстар раскрытыкаваў «скрадзены ў Кітаі» беларускі ноўтбук, а потым выклаў відэа з прабачэннямі

«Ужо немагчыма маўчаць пра гэтыя „Н-букі“ быццам беларускія, гэта проста піпец. Запчастак няма ад слова зусім. Як яны закупалі ў Кітаі?..» — адзначыў аўтар відэа.

Ён заявіў, што гэта «ніякі не HP, ніякая не вытворчасць Беларусі, гэта проста скрадзены кітайскі Spirit».

«Пытанне ў чым: што добра, скралі кітайца. Ну прывязіце вы камплектуючыя, прывязіце вы клавіятуры, прывязіце акумулятары. Акумулятараў у афіцыялаў няма, клавіятуры магчыма пад заказ — трэба тэлефанаваць на завод, месяцамі марозяць, таксама няма», — абураецца ён.

Адзіным выйсцем майстар бачыць куплю запчастак на кітайскіх маркетплэйсах.

«Глядзім цэннік на AliExpress: 156 рублёў без ПДВ (ПДВ 20%) і плюс дастаўка. Зараз яны ўвогуле не дастаўляюцца ў Мінск. То бок гэта проста немагчыма. Сэрвіс „Н-бука“, нібыта беларускага — нібыта, нагадаю. Гэта Itel кампанія. Там, дарэчы, і Tecno вырабляе нібыта расійскі ноўтбук», — выкрыў ён усіх.

І заклікаў карыстальнікаў вельмі акуратна абыходзіцца з ноўтбукам, акумулятарамі і клавіятурамі. «Таму што іх не прывезлі ў Мінск. Беларускі ноўт прывезлі з Кітая, а камплектуючыя — не. Прычым камплектуючыя, як мы бачым на „Аліку“, у 2 разы даражэй, чым арыгінал ад Dell, Asus, Acer. Гэта папілілі бабло, дзівакі», — канстатаваў аўтар.

Відэа было апублікавана 26 студзеня і ўжо выдалена. Але яно згадваецца ў свежым відэа майстра, у якім ён раскайваецца за свае словы пра «ноўтбук беларускай вытворчасці».

«Уключыўшыся ў пытанне, хачу патлумачыць, што не меў рацыі з нагоды сваіх рэзкіх выказванняў. Ноўтбук вырабляецца ў нас у краіне, адпаведна і з’яўляецца беларускім. Пра яго абслугоўванне як гарантыйнае, так і пасля гарантыйнае таксама скажу, што пасля вывучэння гэтага пытання магу з упэўненасцю заявіць, што ў спецыялізаваным цэнтры па адрасе Кульман, 1 горада Мінска рамонт, у тым ліку і замена запчастак, а таксама абслугоўванне, праводзіцца на належным узроўні», — расставіў ён усё на свае месцы.

Кажа, памяняць акумулятар у цэнтры каштуе да 40 рублёў. «У найбліжэйшых канкурэнтаў-аналагаў, у тым ліку вядомых, кошт замены будзе больш за 90 рублёў, гэта адназначна. Шкадую, што не разабраўшыся ў пытанні, выклаў у сетку свой ролік, увёўшы ў зман карыстальнікаў», — заключыў прасветлены майстар.

Падабенства H-book з некаторымі кітайскімі ноўтбукамі адзначалася яшчэ ў 2023 годзе. У незабароненых расійскіх выданняў, напрыклад, дагэтуль вісяць паклёпніцкія матэрыялы пра беларускі гаджэт.

У Мінскі ГЦ «Сталіца» завезлі ноўтбукі Horizont

Па тэме

У Мінскі ГЦ «Сталіца» завезлі ноўтбукі Horizont

Ноўтбукі «Гарызонт» працуюць на чыпах Intel. Даведаліся, што пра гэта думае Intel

Па тэме

Ноўтбукі «Гарызонт» працуюць на чыпах Intel. Даведаліся, што пра гэта думае Intel