Кампанія прадставіла ChatGPT Images 2.5 — абноўленую мадэль для стварэння і рэдагавання выяваў. Паводле заявы кампаніі, яна генеруе выявы да 50% хутчэй, лепш захоўвае дэталі зыходных фотаздымкаў і дакладней выконвае праўкі.
Кампанія прадставіла ChatGPT Images 2.5 — абноўленую мадэль для стварэння і рэдагавання выяваў. Паводле заявы кампаніі, яна генеруе выявы да 50% хутчэй, лепш захоўвае дэталі зыходных фотаздымкаў і дакладней выконвае праўкі.
OpenAI паведамляе, што новая мадэль паляпшае асвятленне і тэкстуры, а таксама захоўвае пазнавальнасць людзей і аб’ектаў пры змене стылю, кампазіцыі ці акружэння. Пры рэдагаванні яна мусіць змяняць толькі запытаныя элементы, не закранаючы астатнія часткі выявы. Акрамя таго, Images 2.5 лепш захоўвае вынік папярэдніх правак у ходзе працяглага дыялогу.
OpenAI таксама палепшыла выкананне складаных візуальных інструкцый, працу з рэальнай інфармацыяй і стварэнне выяваў з празрыстым фонам. Гэта мусіць дапамагчы пры падрыхтоўцы рэкламных матэрыялаў, прэзентацый, інтэрфейсаў і серый выяваў у адзіным стылі.
У ChatGPT з’явілася функцыя Sketch, якая дазваляе намаляваць эскіз проста ў дадатку і выкарыстоўваць яго як аснову для генерацыі. Карыстальнікі таксама атрымалі шаблоны папулярных фарматаў, у тым ліку постары і фотаздымкі тавараў, магчымасць пакідаць каментарыі непасрэдна на выявах і дзяліцца промптамі.
Для распрацоўшчыкаў кампанія выпусціла дзве мадэлі: GPT-Image-2.5 Flare і GPT-Image-2.5 Sunburst. Flare прызначана для большасці задач і забяспечвае больш высокую якасць пры ўдвая меншай затрымцы ў параўнанні з GPT-Image-2. Sunburst разлічана на прафесійныя візуальныя праекты, дзе важны больш дакладны кантроль над праўкамі, аднак генерацыя займае больш часу.
Images 2.5 становіцца даступнай карыстальнікам ChatGPT, ChatGPT Work і Codex на ўсіх тарыфах праз вэб-версію, мабільныя і дэсктопныя дадаткі. Абедзве мадэлі для распрацоўшчыкаў ужо даступныя праз API.
Рэлацыраваліся? Цяпер вы можаце каментаваць без верыфікацыі акаўнта.