Алеся Чапкевич world 20 лютага 2026, 13:59

OpenAI прапануе $15 тыс. і падтрымку супрацоўнікам, якія пацярпелі ад амерыканскіх міграцыйных службаў

OpenAI запусціла пакет падтрымкі для супрацоўнікаў, якія могуць сутыкнуцца з міграцыйнымі службамі ЗША, піша Business Insider. Гаворка ідзе пра сітуацыі з затрыманнямі або ўзмоцненымі праверкамі на мяжы — з боку Іміграцыйнай і мытнай паліцыі (Immigration and Customs Enforcement) і Памежна-мытнай службы (Customs and Border Protection). Дапамога распаўсюджваецца не толькі на супрацоўнікаў, але і на іх блізкіх сваякоў.

Пакінуць каментарый

OpenAI прапануе $15 тыс. і падтрымку супрацоўнікам, якія пацярпелі ад амерыканскіх міграцыйных службаў

OpenAI запусціла пакет падтрымкі для супрацоўнікаў, якія могуць сутыкнуцца з міграцыйнымі службамі ЗША, піша Business Insider. Гаворка ідзе пра сітуацыі з затрыманнямі або ўзмоцненымі праверкамі на мяжы — з боку Іміграцыйнай і мытнай паліцыі (Immigration and Customs Enforcement) і Памежна-мытнай службы (Customs and Border Protection). Дапамога распаўсюджваецца не толькі на супрацоўнікаў, але і на іх блізкіх сваякоў.

Што ўваходзіць у пакет:

да $15 тысяч кампенсацыі выдаткаў (юрысты, жыллё, транспарт, харчаванне);
паскораныя кантакты з іміграцыйнымі адвакатамі;
гайд па такіх сітуацыях — як знайсці затрыманага чалавека і дзе шукаць бясплатную або танную юрдапамогу.

У кампаніі кажуць, што рэгулярна перагледжваюць бенефіты і абнаўляюць іх пад рэальныя патрэбы супрацоўнікаў.

Новаўвядзенне зроблена на фоне напружанай сітуацыі вакол іміграцыйнай палітыкі ў ЗША: апошнія рэйды і інцыдэнты выклікалі пратэсты і рэакцыю з боку бізнесу.

Па дадзеных Business Insider, унутры OpenAI гэта таксама абмяркоўваюць. Кіраўнік кампаніі Сэм Альтман у адным з унутраных паведамленняў раскрытыкаваў дзеянні міграцыйных службаў, заявіўшы, што яны «заходзяць занадта далёка». У паведамленні ён хваліў Трампа, але таксама адзначыў, што любіць краіну — значыць умець бачыць «перагібы» ўлады і выступаць супраць іх.