OpenAI стварыла сэрвіс для выяўлення тэкстаў, напісаных ChatGPT

Распрацаваны класіфікатар мае дапамагчы выяўляць выкарыстанне штучнага інтэлекту для распаўсюджвання дэзінфармацыі і злоўжыванняў у сферы адукацыі. У кампаніі заявілі, што класіфікатар не з’яўляецца цалкам надзейным інструментам.

У часе тэстаў інструмент правільна вызначыў 26% напісаных штучным інтэлектам тэкстаў. У 9% выпадкаў ён памыліўся і назваў напісаны чалавекам тэкст як згенераваны нейрасеткай. Ступень дакладнасці павышаецца з павелічэннем даўжыні правяранага тэксту. Класіфікатар будзе даступны ўсім карыстальнікам, кампанія збірае водгукі пра інструмент.