OpenAI распрацуе АІ, каб прымусіць робатаў размаўляць

Figure AI плануе пашырыць магчымасці сваіх робатаў у апрацоўцы мовы. «Мы бачым дарогу з Figure да вывучэння таго, што могуць дасягнуць чалавекападобныя робаты пры надзяленні іх высокапрадукцыйнымі мультымадальнымі мадэлямі», — заявіў віцэ-прэзідэнт OpenAI Пітэр Веліндэр.

Вытворца сцвярджае, што робат Figure-01 здольны працаваць у такіх галінах, як вытворчасць, лагістыка, захоўванне, рытэйл. У апублікаваным відэа робат карыстаецца кавамашынай. Паводле слоў гендырэктара стартапа Брэта Эдкака, ён навучыўся гэтаму, назіраючы за тым, як гатуюць каву людзі.

Стартап прыцягнуў інвестыцыі ў памеры $675 мільёнаў у тым ліку ад Nvidia, Microsoft, Amazon, Джэфа Безаса. Безас уклаў $100 мільёнаў, Microsoft — $95 мільёнаў, яшчэ па $50 мільёнаў — Nvidia і Amazon. Кампанію на рынку ацэньваюць у $2,6 мільярда. Раней OpenAI уклала $23,5 мільёна ў робататэхнічны стартап 1x Technologies.