Opera навучылі падмяняць гісторыю вэб-сёрфінгу ў выпадку смерці карыстальніка
У карыстальнікаў геймерскага браўзера Opera GX з’явілася магчымасць схаваць гісторыю сваіх пошукавых запытаў ад чужых вачэй у экстраннай сітуацыі — напрыклад, ад сям'і ў выпадку смерці.
Новая функцыя называецца Fake My History і даступная ў апошняй версіі Opera GX. Яна актывуецца аўтаматычна, калі чалавек не адкрываў праграмы даўжэй за два тыдні, і ласкава заменіць ягоную пошукавую гісторыю такой, «якой бы ганарылася ваша бабуля», кажуць распрацоўшчыкі.
Такая опцыя можа спатрэбіцца тым карыстальнікам, якія хацелі б схаваць свае інтарэсы ад родных ці сяброў, каб пазбегнуць нязручных выкрыванняў у тым выпадку, калі тыя пасля іх смерці захочуць пакапацца ў іх лічбавым мінулым.
Замяняць пошукавыя запыты будуць на высакародныя варыянты, напрыклад, аб валанцёрскіх арганізацыях паблізу, анлайн-курсах для асобаснага росту, стымуляванні палітычнай актыўнасці ў кам’юніці або будаўніцтве шпакоўняў, што абавязкова ўразіць і захопіць цікаўнага.
«Прыкінуцца мёртвым» можна будзе ўручную — для гэтага прадугледжаная налада Pretend I’m Already Dead. Пры яе ўключэнні опцыя светлай фэйкавай гісторыі запрацуе адразу.
Читать на dev.by