Сузаснавальнік Twitter Джэк Дорсі прэзентаваў новую мабільную аплікацыю Sun Day, якая адсочвае ўзровень ультрафіялетавага выпраменьвання і сінтэзу вітаміну D. Раней у гэтым месяцы Дорсі выпусціў зашыфраваны месэнджар Bitchat.
Сузаснавальнік Twitter Джэк Дорсі прэзентаваў новую мабільную аплікацыю Sun Day, якая адсочвае ўзровень ультрафіялетавага выпраменьвання і сінтэзу вітаміну D. Раней у гэтым месяцы Дорсі выпусціў зашыфраваны месэнджар Bitchat.
Аплікацыя Sun Day даступная на iOS праз платформу TestFlight, а яе зыходны код выкладзены на GitHub у адкрытым доступе. Sun Day выкарыстоўвае геалакацыю для адлюстравання бягучага індэксу УФ-выпраменьвання, часу ўзыходу і заходу сонца, а таксама ўзроўню воблачнасці.
Карыстальнікі могуць пазначыць тып скуры, наколькі яны апрануты і ўручную запускаць і завяршаць сесіі знаходжання на сонцы. На падставе гэтых даных аплікацыя ацэньвае, колькі вітаміна D патэнцыйна выпрацаваў арганізм і як доўга можна бяспечна знаходзіцца на сонцы без рызыкі апёкаў.
Паводле словаў Дорсі, ён займаецца распрацоўкай такіх праектаў у вольны час, выкарыстоўваючы адкрыты ШІ-інструмент Goose — альтэрнатыву больш вядомым рашэнням у сферы ШІ-кодынгу накшталт Windsurf ці Cursor.
Рэлацыраваліся? Цяпер вы можаце каментаваць без верыфікацыі акаўнта.