Карыстальнік Threads пад нікам yura_matskevich распавёў пра нечаканую адмову ў польскай візе, нягледзячы на шматгадовы вопыт працы ў краіне. Гісторыя хутка выклікала водгук — у каментарах дзясяткі людзей падзяліліся падобнымі сітуацыямі.
Карыстальнік Threads пад нікам yura_matskevich распавёў пра нечаканую адмову ў польскай візе, нягледзячы на шматгадовы вопыт працы ў краіне. Гісторыя хутка выклікала водгук — у каментарах дзясяткі людзей падзяліліся падобнымі сітуацыямі.
Паводле аўтара, ён прапрацаваў у Польшчы чатыры гады кіроўцай катэгорыі C+E. Пасля сканчэння ВНЖ ён падаў дакументы на новую карту побыту, але разгляд зацягнуўся. Каб вярнуцца да працы, мужчына вырашыў аформіць візу ў Беларусі. Аднак, заплаціўшы каля 900 рублёў за падрыхтоўку дакументаў, ён атрымаў адмову. Прычына — «сумневы ў дакладнасці мэты паездкі», указаныя польскім МЗС.
Паглядзець у Threads
У каментарыях карыстальнікі пацвердзілі, што такія выпадкі не рэдкасць. Некаторыя раяць загадзя прыкладваць падатковыя дакументы, напрыклад, даведкі ZUS і PIT, каб знізіць рызыку адмовы. Іншыя распавядаюць, што нават гэта не заўсёды дапамагае.
Адзін з каментатараў падзяліўся, што апынуўся ў аналагічнай сітуацыі: паехаў дадому ў адпачынак, пакуль сканчалася віза, атрымаў запрашэнне на біяметрыю па карце побыту, але вярнуцца не змог — візу не далі нават пасля апеляцыі і лістоў ад працадаўцы. Пры гэтым штамп пра падачу на карту побыту дазваляе знаходзіцца ў Польшчы легальна, але не дае права ўезду ў краіну, калі чалавек ужо выехаў.
Ёсць і больш заблытаныя выпадкі. Адзін карыстальнік распавёў, што яму адмовілі ў візе, хоць у ягонай справе ўжо было прынята станоўчае рашэнне. У выніку ён змог уехаць толькі па кароткатэрміновай візе, выдадзенай адмыслова для атрымання карты побыту.
Некаторыя адзначаюць, што пытанне ўдаецца вырашыць толькі праз працадаўцу. У адным з выпадкаў пасля званка ў консульства заяўніка папрасілі зноў падаць дакументы — але з паўторнай аплатай візавага збору. «Толькі я ўжо 8 гадоў адпрацаваў у Польшчы на момант падачы. Вынік 80 дзён дома. Найлепшае лета за гэтыя 8 гадоў…», — піша карыстальнік.
«У мяне была аналагічная сітуацыя. У выніку адмовы падаваў апеляцыю, дзе прыкладваў доказы, што плачу падаткі, арандую жыллё і іншае. Вынік апеляцыі, якая, між іншым, каштуе 135 еўра — таксама адмова», — паведаміў іншы каментатар.
Релоцировались? Теперь вы можете комментировать без верификации аккаунта.
Что мешало за эти 4 года получить ВНЖ?