P2P, SWIFT-пераводамі, наяўнымі. Як адпраўляюць грошы з Еўропы дадому

Падтрымліваць блізкіх у Беларусі з-за мяжы з кожным годам усё цяжэй. Калі пасылкі, хай павольна, але спраўна даходзяць, то грашовыя пераводы — справа непрадказальная. Спыталі чытачоў за мяжой, як яны перадаюць грашовую дапамогу родным у Беларусі. Варыянтаў няшмат, але яны пакуль ёсць.

Paysend

Практычны адзіны ўніверсальны хуткі спосаб пераслаць грошы ў Беларусь. Адпраўка — з карткі на картку, залічэнне амаль імгненнае, камісія каля 1,5 еўра, але не варта заспакойвацца: перавод не настолькі бясплатны, фінансавы сэрвіс зарабляе за кошт курсу канвертацыі. Адправіць еўра з Еўропы ў Беларусь без канвертацыі не атрымаецца: сэрвіс абавязкова ператворыць еўра/злотыя ў BYN або USD — па жаданні адпраўшчыка.

Перавод з ЗША ў Беларусь не атрымаецца адправіць у прынцыпе. Перавод у еўра/іншай валюце таксама не абавязкова атрымаецца: магчымыя абмежаванні з боку банка-адпраўшчыка або санкцыі ў дачыненні банка-атрымальніка. Але ў цэлым гэта самы папулярны ў беларусаў спосаб перасылкі невялікіх/сярэдніх сум паміж фізасобамі (большасць нашых чытачоў назвалі толькі яго).

Зрэшты, будзьце асцярожныя, не забывайцеся пра старыя грахі сэрвісу.

Сведчанне кліента:

«Грошы адпраўляю з Польшчы праз Paysend у Прыёрбанк. Камісія — 4.90 PLN. Апошні раз курс канвертацыі выйшаў 1 BYN = 1,2545 PLN, перадапошні — 1 BYN = 1,2606 PLN. А ў верасні — наогул 1 BYN = 1,1966 PLN».

Fin.do

Падобны сэрвіс, для хуткай адпраўкі грошай з карткі на картку. Спыняў працу з Беларуссю ў чэрвені 2024 года, але ўжо ў лістападзе 2024-га аднавіў. Даражэйшы, чым Paysend — звычайна гаворка ідзе пра камісію 3%. Затое, здаецца, можна адправіць грошы ў Беларусь з ЗША.

Сведчанне кліента:

«Грошы пераводжу бацькам на карту праз Paysend і Findo. Раней на карту Альфы далярамі, але зараз у Paysend заблакавалі карты Альфы, таму карыстаемся Прыёрбанкам і пераводзiм эўра. Камісія ў Paysend трохі ніжэйшая, і хутка, цягам гадзіны, грошы ў атрыманта. Findo бярэ 3%, перавод, што найменей, ідзе суткі».

Свіфтам на рахункі ў Прыёрбанку, BSB і іншых

Ненадзейны па сённяшніх часах, але часам працоўны спосаб. У беларускіх банках вам скажуць, што ў іх няма забаронаў на ўваходныя пераводы, пры гэтым ніхто не дасць гарантыю, што SWIFT дойдзе паспяхова, і просяць удакладняць інфармацыю на баку банка-адпраўшчыка. Як правіла, з еўра шансаў больш, чым з далярам.

Выбіраючы банк-атрымальнік, трэба звяртаць увагу не толькі на санкцыйны статус (на слыху Прыёр і БСБ як найменш праблемныя), але і на камісію за залічэнне. Напрыклад, Прыёрбанк яшчэ ў студзені 2025 кратна павялічыў мінімальную камісію для атрымальнікаў свіфтаў — яна з’ядае перавод у 60 даляраў/35 еўра. Стандартная камісія — 3% — працуе толькі на вялікіх сумах: прыблізна ад 2000 даляраў/1170 еўра.

Магчыма, па гэтай прычыне, спосаб не падыходзіць для сістэматычнай падтрымкі родных, калі трэба рэгулярна адпраўляць невялікія сумы. Ніхто з нашых чытачоў swift-пераводы не ўзгадаў. Але іх актыўна абмяркоўваюць самазанятыя ў тэматычных форумах.

Наяўнымі праз мяжу

Зразумелы і для некаторых найбольш просты спосаб перадачы грошай блізкім. Падыходзіць у асноўным тым, хто жыве ў суседніх Польшчы або Літве. Трэба памятаць пра правіла 10K, але рэгулярная дапамога блізкім звычайна вымяраецца меншымі сумамі.

Сведчанне чытача:

«Жывем у Бялай Падлясцы, ад сваякоў нас аддзяляе ўсяго 40 км. Грошы перадаём наяўнымі праз добрых знаёмых. Рэчы перадаць увогуле без праблем: вельмі шмат перавозчыкаў, якія гэтым зарабляюць».

Картка на імя сваяка ў замежным банку

Нетрывіяльны і абмежаванага функцыяналу спосаб, аднак дагэтуль дзейсны. Стаў магчымы дзякуючы фінансавым установам (не будзем указваць пальцам на еўрапейскія банкі), якія да нядаўняга часу адкрывалі рахункі грамадзянам Беларусі па прад’яўленні турыстычнай/гасцявой візы.

Калі сваяк у Беларусі мае картку еўрапейскага банка, яму вельмі проста дапамагаць, час ад часу закідваючы на рахунак грошы. Пакуль.

Сведчанне чытача:

«Аформілі маме картку польскага банка, калі яна была ў нас у гасцях. Зараз закідваю ёй па 500-1000 злотых, мама разлічваецца карткай у беларускіх крамах. Так, курс канвертацыі нявыгадны, але я не звяртаю ўвагі, усё роўна гэта ледзь не адзіны спосаб аператыўна дапамагаць грашыма. Ведаю, што ў любы момант гэтую „дзірку ў плоце“ могуць забіць, аднак спадзяюся на лепшае».

А як вы дапамагаеце родным у Беларусі з-за мяжы? Пішыце ў каментарах або ў бот.

Как беларусы шлют посылки домой и за границу и во сколько им это обходится

По теме

Как беларусы шлют посылки домой и за границу и во сколько им это обходится

Топ-10 товаров, которые айтишники просят привезти из Беларуси (идеи для подарков!)

По теме

Топ-10 товаров, которые айтишники просят привезти из Беларуси (идеи для подарков!)