Падатковая нагадала, што алмазамі з TikTok таксама трэба дзяліцца (сур'ёзна)
Міністэрства па падатках і зборах у сваім тэлеграме растлумачыла, як абкладаюцца даходы стрымераў, якія атрымліваюць віртуальныя падарункі ад гледачоў падчас наўпроставых эфіраў.
Міністэрства па падатках і зборах у сваім тэлеграме растлумачыла, як абкладаюцца даходы стрымераў, якія атрымліваюць віртуальныя падарункі ад гледачоў падчас наўпроставых эфіраў.
Як адзначаюць у ведамстве, гледачы купляюць падарункі за манеты, а TikTok налічвае аўтару віртуальную валюту — алмазы, якія потым выводзяцца ў рэальныя грошы.
Грошы, выведзеныя з TikTok, лічацца даходам з-за мяжы, бо паступаюць ад замежнай кампаніі (уладальніка платформы), а не ад фізасобы. Таму льготы на падарункі, прадугледжаныя артыкулам 208 Падатковага кодэкса, тут не працуюць.
А значыць, уся сума, атрыманая ад TikTok, абкладаецца падаходным падаткам. Блогер-падатковы рэзідэнт Беларусі павінен сам падаць дэкларацыю і заплаціць 13% з усяго заробку.
Але ёсць адно выключэнне. Калі глядач адпраўляе блогеру данаты напрамую на банкаўскую картку ў абыход унутранай сістэмы TikTok, гэта лічыцца падарункам ад фізасобы. На такія сумы льготы дзейнічаюць, і падатак плаціць не трэба.
Айцішнікі заблыталіся, ці можна ў Беларусі атрымліваць заробак у крыптавалюце. Пакуль не. Але скора так! Мы спрабавалі разабрацца (падобна, падатковая таксама блытаецца)
Рэлацыраваліся? Цяпер вы можаце каментаваць без верыфікацыі акаўнта.