The Bell: паздзел «Яндэкса» неўзабаве завершыцца, кантроль можа перайсці да Кудрына

Крыніца выдання паведаміла, што будучыню кампаніі будуць абмяркоўваць на сустрэчы Кудрын і Пуцін ужо 24 лістапада. Раней улетку The Bell паведамляла, што сузаснавальнік «Яндэкса» Аркадзь Волаж хоча вывесці частку актываў кампаніі за мяжу, дапамагае яму ў гэтым Кудрын.

Цяпер матчына кампанія «Яндэкса» зарэгістраваная ў Нідэрландах як Yandex N. V. Па рэструктурызацыі замест яе можа з’явіцца іншая, магчыма, зарэгістраваная ў Расіі. Паводле планаў, у новай матчынай кампаніі ключавыя рашэнні будзе прымаць спецыяльна створаная структура, якую ўзначаліць Кудрын. У гэтую ж структуру можа ўвайсці топ-менеджмент «Яндэкса».

Дэталі рэарганізацыі і працэс прыняцця рашэнняў маюць ухваліць акцыянеры Yandex N. V. Паводле даных Forbes і The Bell, Кудрын нібыта атрымае ў новай матчынай кампаніі «Яндэкса» каля 5%. Мінарытарнымі акцыянерамі могуць стаць некалькі інвестараў. Верагоднымі кандыдатамі называліся структуры Уладзіміра Патаніна. Цяпер у лік мінарытарыяў Yandex N. V. уваходзяць структуры Рамана Абрамовіча і банк ВТБ.