Эпоха дыпфейкаў, шпаргалак ад нейрасетак і рызык наняць хакера з Паўночнай Карэі прымушае кампаніі ўкараняць нетыповыя метады праверкі на дыстанцыйных суразмоўях: праз масавае выкарыстанне ШІ галоўнай задачай рэкрутараў стала ўпэўніцца, што перад імі рэальны чалавек з рэальным досведам і навыкамі, піша Wall Street Journal.
Эпоха дыпфейкаў, шпаргалак ад нейрасетак і рызык наняць хакера з Паўночнай Карэі прымушае кампаніі ўкараняць нетыповыя метады праверкі на дыстанцыйных суразмоўях: праз масавае выкарыстанне ШІ галоўнай задачай рэкрутараў стала ўпэўніцца, што перад імі рэальны чалавек з рэальным досведам і навыкамі, піша Wall Street Journal.
Каб адсеяць махляроў і тых, хто надыктоўвае адказы з дапамогай чат-ботаў, працадаўцы просяць саіскальнікаў адключаць віртуальныя фоны ў Zoom, паказваць пакой на 360 градусаў і махаць рукой перад тварам — гэта дазваляе распазнаць ШІ-маску дыпфэйка. У некаторых кампаніях кандыдатаў просяць трымаць рукі ў паветры падчас начыткі пытання або трансляваць свой экран, каб не даць ім паралельна ўводзіць тэкст і шукаць падказкі.
Праверкі датычаць не толькі паводзін перад камерай, але і лічбавага следу. Кампаніі адсочваюць IP-адрасы кандыдатаў, каб выявіць тых, хто на словах жыве ў ЗША, а падключаецца з іншай краіны. Спецыяльнае ПА для відэасуразмоўяў цяпер умее фіксаваць пераключэнне ўкладак у браўзеры і адсочваць рух вачэй — гэта можа выдаць, што кандыдат чытае згенераваны скрыпт.
Маштаб праблемы пацвярджаюць даследаванні. Апытанне 3 тысяч кіраўнікоў, праведзенае верыфікацыйнай платформай Checkr, паказала, што 59% менеджараў падазраюць кандыдатаў у выкарыстанні ШІ для скажэння інфармацыі пра сябе ў працэсе найму. Эксперты адзначаюць, што з падобнымі маніпуляцыямі сёння сутыкаецца практычна кожная кампанія, якая набірае супрацоўнікаў на выдаленку.
Дыстанцыйныя тэставыя заданні імкліва адыходзяць у мінулае з-за наплыву шаблонных адказаў ад нейрасетак. Саіскальнікі нярэдка забываюць прыбраць з іх нават службовыя фразы ботаў накшталт прапановы зрабіць адказ карацейшым. У выніку кампаніі вяртаюцца да лайўкодынгу ў сумесных дакументах, дзе відаць працэс друку, альбо патрабуюць асабістай прысутнасці ў офісе на фінальным этапе адбору.
Паводле назіранняў рэкрутараў і заснавальнікаў кампаній, злоўжыванне нейрасеткамі пачынае негатыўна ўплываць на здольнасць кандыдатаў думаць самастойна. Адказы з выкарыстаннем ШІ становяцца механічнымі і прадказальнымі. З іх знікаюць натуральныя агаворкі, нестандартныя асацыяцыі і разважанні, якія якраз і складаюць жывое чалавечае мысленне.
Релоцировались? Теперь вы можете комментировать без верификации аккаунта.