Алеся Чапкевич bel 21 кастрычніка 2026, 12:30

Памёр віцэ-прэзідэнт EPAM Алег Вільчынскі. Яму было 46 гадоў

Пра гэта паведаміў у LinkedIn сузаснавальнік кампаніі Аркадзь Добкін.

Вільчынскі прапрацаваў у EPAM 20 гадоў, пачаўшы свой шлях у кампаніі з пасады старшага бізнес-аналітыка і проджэкт-менеджара. Праз некалькі гадоў назаўжды пераехаў у Нью-Ёрк — ляцеў у адным самалёце з Добкіным.

Паводле кафаундара, Вільчынскі быў вельмі мэтанакіраваным, цікаўным і амбіцыйным чалавекам: «Ён стаў адным з тых людзей, якія будавалі EPAM, і адным з драйвераў яе будучыні».

«Ён быў байцом — у працы і ў жыцці. … Ён збіраўся расці і зрабіць яшчэ больш», — дадаў Добкін, назваўшы шалёна несправядлівым тое, што ён сышоў так рана.

У Вільчынскага засталіся жонка і дзеці.