Дураў заявіў, што даў інтэрв'ю Такеру Карлсану

Паводле слоў Дурава, ролік з інтэрв’ю выйдзе «зусім неўзабаве». Бізнэсмен дадаў, што ў дзень размовы з Карлсанам ён таксама даў трохгадзіннае інтэрв’ю «журналісту ліберальных поглядаў», але не ўдакладніў яго імя. «Як лідар палітычна нейтральнай платформы, я абавязаны мець зносіны з журналістамі, якія прадстаўляюць розныя палітычныя погляды», — растлумачыў ён.

СМІ адзначаюць, што Дураў рэдка дае інтэрв’ю. У сакавіку гэтага года выйшла першае за сем гадоў вялікае інтэрв’ю Financial Times. У ім бізнэсмен расказаў пра планы Telegram выйсці на IPO, а таксама ацаніў кампанію ў $30 мільярдаў. Такер Карлсан пасля сыходу з тэлеканала Fox News завёў свой канал у X, адное з самых вядомых яго інтэрв’ю — з Уладзімірам Пуціным.