Пентагон стварыў сайт з рассакрэчаным архівам пра НЛА
Міністэрства абароны ЗША запусціла сайт, на якім будуць публікаваць рассакрэчаную інфармацыю пра неапазнаныя анамальныя з’явы (Unidentified Anomalous Phenomena, UAP).
«На гэтым сайце будзе прадстаўленая інфармацыя, уключаючы фатаграфіі і відэа, пра раскрытыя справы UAP, паколькі яны рассакрэчаныя і адобраныя для апублікавання», — заявіла ведамства. Таксама на сайце будуць публікаваць рэпартажы пра тэндэнцыі, афіцыйныя справаздачы, стэнаграмы, прэс-рэлізы і іншыя матэрыялы.
У раздзеле тэндэнцый ужо апублікаваныя сведчанні НЛА, большасць апісаных аб’ектаў мае круглую форму, белы, серабрысты або напаўпразрысты колер, у межах 1-4 метра. Звычайна іх заўважаюць на вышыні ад 10 да 30 тысяч футаў (3048-9144 метраў) як на ўсходнім, так і заходнім узбярэжжы ЗША. У раздзеле відэаролікаў карыстальнікі могуць пакідаць каментары.
Читать на dev.by