Perplexity афіцыйна прапанаваў Google выкупіць Chrome

У стартапе выданню сказалі, што накіравалі прапанову ўчора раніцай. Фінансаваць угоду Perplexity плануе пры дапамозе знешніх інвестараў. Раней цікавасць да самага папулярнага браўзера ў свеце таксама выяўляла OpenAI.

Дзёрзкую прапанову ШІ-стартап зрабіў тэхнагіганту на фоне антыманапольнага разбіральніцтва ў ЗША, у выніку якога Google могуць прымусіць прадаць Chrome і ліцэнзаваць пошукавыя дадзеныя канкурэнтам. У жніўні 2024 года кампанію прызналі манапалістам на рынку інтэрнэт-пошуку, а ў гэтым красавіку — на рэкламным рынку.

Аналітыкі адзначаюць, што Perplexity ацаніў Chrome значна ніжэй, чым ён каштуе насамрэч. На іх думку, лічба бліжэй да $100 млрд. Сам Perplexity падчас апошняга інвестраўнда ў гэтым годзе атрымаў ацэнку ў $18 млрд. Таксама ў гэтым годзе стартап прапаноўваў кітайскай ByteDance прадаць яму амерыканскую частку TikTok.

У Google адмовіліся ад каментароў.