Playtika скарачае 15% супрацоўнікаў
Да канца сакавіка штат Playtika паменшыцца прыкладна на 15%. Пра гэта кампанія паведаміла ў дакуменце для Камісіі па каштоўных паперах і біржах ЗША, які заўважыў партал app2top.
Колькі чалавек трапяць «пад нож», не ўдакладняецца. Па стане на 31 снежня 2024 года ў Playtika працавала 3,5 тысячы супрацоўнікаў. У чэрвені 2025-га паведамлялася, што кампанія звольніла да 160 чалавек, уключаючы беларусаў. А ў лістападзе ізраільскія медыя пісалі, што ў снежні Playtika збіралася звольніць прыкладна 20% свайго тагачаснага штата — 700-800 чалавек.
Але нават з улікам мінулагодніх страт зараз гаворка можа ісці пра сотні людзей. Па падліках Playtika, новыя звальненні абыдуцца ёй у $12-15 млн. Кіраўнік кампаніі Роберт Антокал аргументаваў іх жаданнем Playtika перагледзець бізнес-стратэгію і скараціць выдаткі.
«Шмат гадоў мы прытрымліваліся універсальнага падыходу і ўжывалі падобныя мадэлі размеркавання рэсурсаў да ўсіх гульняў з нашага партфеля. Эканамічная рэальнасць індустрыі змянілася. Гэты падыход больш не працуе. Каб захаваць лідарства, мы павінны прызнаць, што розныя студыі граюць розныя ролі ў дасягненні нашага поспеху», — напісаў Антокол у лісце для супрацоўнікаў.
Playtika ліквідавала бізнес у Беларусі ў 2024 годзе, але беларусы працягвалі працаваць на яе ў краіне і за мяжой.
Meta збіраецца звольніць 1,5 тысячы супрацоўнікаў VR-аддзела — NYT
Meta збіраецца звольніць 1,5 тысячы супрацоўнікаў VR-аддзела — NYT
Рэлацыраваліся? Цяпер вы можаце каментаваць без верыфікацыі акаўнта.
Снова уезжают?