Пашукавік Google будзе паведамляць карыстальніку, калі знойдзе яго даныя ў інтэрнэце

Летась кампанія запусціла інструмент пад назвай «Вынікі пра вас» (Results about you), з дапамогай якога карыстальнік можа лёгка запытаць выдаленне пошукавых вынікаў, якія змяшчаюць яго нумар тэлефона, хатні або электронны адрас. Гэты інструмент быў палепшаны і цяпер будзе сам паведамляць карыстальніку, калі выявіць, што яго кантактныя даныя ўсплываюць у пошуку, каб той зрабіў запыт на іх выдаленне.

Новая функцыя запрацуе найбліжэйшымі днямі. Яна будзе даступная ў праграме Google або пры націсканні на значок профілю ў акаўнце Google. Першапачаткова яна выйдзе ў ЗША на англійскай мове, але з часам з’явіцца на іншых мовах і ў іншых краінах.