Польшча пастрожвае візавыя правілы — СМІ

Раней была прыпыненая праграма Poland Business Harbour для прыцягнення ІТ-спецыялістаў. Правілы для выдачы віз з гуманітарных прычын таксама пераглядаюцца.

Міністр заявіў, што гэтым крокам краіна падводзіць рысу пад карупцыйнай практыкай выдачы віз, якая існавала пры папярэднім урадзе партыі Права і справядлівасць» (PiS).

Таксама паведамляецца, што Вярхоўная кантрольная палата апублікавала справаздачу, якая пацвердзіла, што польскія консульствы ў часе кіравання PiS у Азіі і Афрыцы выдавалі візы ў абмен на буйныя сумы.

Вынікі аўдыту паказалі, што «ад лістапада 2022 да мая 2023 года існаваў непразрысты і карупцыйны механізм у Міністэрстве замежных спраў, які ўплываў на некаторых польскіх консулаў, каб паскорыць апрацоўку заявак на візы», гаворыцца ў справаздачы Вярхоўнай кантрольнай палаты.

Паводле даных ВКП, прыватныя пасярэдніцкія фірмы незаконна ўдзельнічалі ў атрыманні віз. Паведамляецца, што адная з гэтых фірмаў дапамагла ў атрыманні 4250 віз ад студзеня 2018 да сакавіка 2024 года. Паводле даных справаздачы, яна брала з заяўнікаў да 7 тысяч еўра (7645 долараў) за свае паслугі.

Раней сталі вядомыя падрабязнасці выдачы віз па праграме PBH.

Паводле даных Вярхоўнай кантрольнай палаты, на практыцы атрыманне візы PBH стала самым простым, хуткім і танным спосабам уехаць на тэрыторыю Еўрасаюза. «Роля консула ў працэсе афармлення візы практычна звялася да яе выдачы», — адзначалі аўдытары. Такім чынам Польшча выдала каля 95,5 тысяч віз беларусам і прадстаўнікам яшчэ 21 краіны.

У праграмы не было нават пісьмовай версіі. А матэрыялы для сайта падрыхтавалі за адныя выходныя — і ў першы дзень працы праграма наогул называлася «Poland. Business Haven». 

Паводле слоў аўтараў справаздачы, праграма Poland Business Harbour магла істотна знізіць дзяржаўную бяспеку краіны.