Польшча ўводзіць 4-дзённы працоўны тыдзень без страты заробку. Пакуль у пілотным рэжыме

У рамках праекта супрацоўнікі змогуць працаваць па 6 гадзін у дзень замест 8, адпачываць тры дні на тыдзень ці атрымліваць дадатковыя дні адпачынку, пры гэтым заробак застанецца ранейшым. Удзельнічаць змогуць кампаніі, дзяржустановы, фонды, асацыяцыі і прафсаюзы па ўсёй краіне. На першы год праекта вылучана 10 млн злотых ($2,7 млн) з Фонду працы. Мэта — скараціць агульны працоўны час на 20% у год.

Кожны працадаўца, які вырашыць далучыцца да праекта, зможа атрымаць да 1 млн злотых на ўкараненне новага графіка. Грошы можна выдаткаваць на змену ўнутранага распарадку, лічбавыя сістэмы ўліку працоўнага часу, а таксама кансультацыі і дапамогу экспертаў. Правілы ўдзелу будуць апублікаваны да канца чэрвеня.

Пілотны праект будзе ісці 15-18 месяцаў. У пачатку будзе трохмесячны падрыхтоўчы этап, затым пачнецца практычнае тэставанне. Канчатковыя заканадаўчыя змены аб скарачэнні працоўнага часу плануецца ўвесці да канца бягучага тэрміну парламента, гэта значыць да лістапада 2027 года.

Польскія супрацоўнікі — адны з самых загружаных у Еўропе: працоўны тыдзень тут доўжыцца 38,9 гадзін. У Францыі, Даніі і Бельгіі ўжо даўно дзейнічаюць скарочаныя працоўныя тыдні па 35-38 гадзін. У Францыі пасля ўвядзення 35-гадзіннага тыдня ВУП вырас на 81%.

Ісландыя ўвяла 4-дзённы працоўны тыдзень 6 гадоў таму, вось вынік

Па тэме

Ісландыя ўвяла 4-дзённы працоўны тыдзень 6 гадоў таму, вось вынік

Брытанскія кампаніі масава пераходзяць на чатырохдзёнку без страты заробку

Па тэме

Брытанскія кампаніі масава пераходзяць на чатырохдзёнку без страты заробку

Паляпшае маральнае здароўе, не адбіваецца на прадукцыйнасці: у Германіі завяршыўся вялікі эксперымент з 4-дзёнкай

Па тэме

Паляпшае маральнае здароўе, не адбіваецца на прадукцыйнасці: у Германіі завяршыўся вялікі эксперымент з 4-дзёнкай