Pornhub заблакаваў доступ да свайго сайта ў Місісіпі і Вірджыніі

Такім чынам кампанія вырашыла пратэставаць супраць новага заканадаўства штатаў аб праверцы веку карыстальнікаў. Законы дыктуюць, каб платформы, якія ўтрымліваюць 33,3% і больш парнаграфіі, патрабавалі пацверджання ад карыстальнікаў, што яны дасягнулі 18-гадовага веку, у тым ліку з дапамогай давання афіцыйнага пасведчання асобы. Падобныя патрабаванні ўвялі Тэхас, Мантана і Арканзас.

Крытыкі закона адзначаюць, што наведвальнік не можа быць упэўнены пасля давання інфармацыі, што яго даныя не будуць захоўвацца і выкарыстоўвацца вэб-сайтам, у тым ліку для продажу. Pornhub прапаноўвае выкарыстоўваць праверку праз прыладу, калі карыстальнікі маюць пацвердзіць, што гаджат належыць даросламу чалавеку.