Супрацоўнікі Google раскрытыкавалі кіраўніцтва, уключна з гендырэктарам Сундарам Пічаі, за правальную прэзентацыю хатняга канкурэнта ChatGPT — чатбота Bard — мінулага тыдня, піша CNBC. На ўнутраным форуме Memegen гуглеры назвалі рэліз «паспешным», «халтурным» і зусім не вартым кампаніі.
Супрацоўнікі Google раскрытыкавалі кіраўніцтва, уключна з гендырэктарам Сундарам Пічаі, за правальную прэзентацыю хатняга канкурэнта ChatGPT — чатбота Bard — мінулага тыдня, піша CNBC. На ўнутраным форуме Memegen гуглеры назвалі рэліз «паспешным», «халтурным» і зусім не вартым кампаніі.
Пічаі зрабіў тэкставы анонс Bard у блогу кампаніі ў панядзелак — проста перад івэнтам Microsoft у аўторак, на якім яна расказала пра «новы Bing» на базе больш прасунутай версіі ChatGPT і інтэграцыі чатбота ў браўзер Edge. Больш пра Bard было расказана на прэзентацыі Google у сераду, але проста напярэдадні гэтага журналісты знайшлі памылку ў адным з яго адказаў, якая абрынула рынкавую капіталізацыю кампаніі на $100 млрд.
Падчас прэзентацыі старэйшы віцэ-прэзідэнт Google і кіраўнік пошукавага падраздзялення Прабхакар Рагхаван хутка прагартаў некалькі слайдаў з прыкладамі магчымасцей Bard, таксама былі анансаваныя АІ-навіны ў «Перакладчыку», «Картах» і Google Lens. У цэлым гледачы, уключна з супрацоўнікамі Google, чакалі ад прэзентацыі большага, а некаторыя выступоўцы наогул нармальна не падрыхтаваліся да яе — адзін з іх забыў патрэбны для дэманстрацыі смартфон. Некаторыя супрацоўнікі нават не ведалі пра мерапрыемства.
Гэтым разам на Memegen, дзе гуглеры звычайна жартуюць пра праблемы і хібы кампаніі, пасты былі змрачнейшыя і з больш жорсткай крытыкай — перш за ўсё Сундара Пічаі. Супрацоўнікі заклікалі яго быць дальнабачнейшым і «выставілі» яму і менеджменту найніжэйшую адзнаку, якую можна атрымаць па выніках перфоманс-рэв’ю ў Google.
Летась, напярэдадні звальненняў, Пічаі папрасіў супрацоўнікаў засяродзіцца і быць максімальна «Googley» — то-бок быць мэтанакіраванымі і працавітымі і памятаць, што яны — частка каманды. Супрацоўнікі адзначылі, што прэзентацыя атрымалася прамой супрацьлегласцю таго, што ад іх патрабаваў менеджмент.
«Рэліз Bard на рынак у паспеху і паніцы пацвердзіў страхі рынку наконт нас», — напісана ў адным з пастоў з фэйспалмам, які сабраў шмат згодных.
Пытанне пра поспехі кампаніі ў сферы АІ гучала на ўсеагульным сходзе супрацоўнікаў у снежні, калі разгаралася шуміха вакол ChatGPT. Тады топы адказалі, што Google не можа спяшацца з распрацоўкай свайго чатбота, каб не сапсаваць рэпутацыі.
Яшчэ адзін карыстальнік форума выклаў літару G, якая гарыць на вогнішчы, з подпісам, што ад мінулага года ўсё, што адбываецца ў кампаніі, адчуваецца так. Аўтар іншага мема адзначыў, што навіна пра звальненне 12 тысяч супрацоўнікаў падняла каціроўкі Google на 3%, а адная няўдалая прэзентацыя — абваліла на 8%.
Рэлацыраваліся? Цяпер вы можаце каментаваць без верыфікацыі акаўнта.
Если следовать логике большинства белорусских релокантов в Польшу - они, сотрудники Гугл, должны молча проглатывать всё что даёт им Гугл и не сметь даже малейше критиковать. Ведь этаже Еуропа, то есть этаже Гугл!
Ну конечно, куда гуглу до лекаботов да?